اپوزیشن جھوٹا پروپیگنڈہ کر کے اپنی ختم ہوتی سیاست پر ماتم کر رہی ہے،انجم جرال

پیر 20 مئی 2019 23:29

لاہور۔20 مئی(اُردو پوائنٹ اخبارتازہ ترین - اے پی پی۔ 20 مئی2019ء) تحریک انصاف کے سینئر مرکزی رہنماانجم جرال نے کہاہے کہ نے کہا کہ اپوزیشن جھوٹا پروپیگنڈہ کر کے اصل میں اپنی ختم ہوتی سیاست پر ماتم کر رہی ہے جس سے عوام ہرگز مرعوب نہیں ہوں گے،وزیر اعظم عمران خان نے اقتدار میں آنے کے بعد نہ صرف سابقہ حکمرانوں کی شاہ خرچیوں کی روایت کو ختم کیا ہے بلکہ صوابدیدی اختیارات کے تحت کروڑوں روپے کے بجٹ کو بھی ختم کیا گیا۔

(جاری ہے)

انہوں نے کہا کہ موجودہ حکومت سابقہ حکمرانوں کی طرح عوام کی آنکھوں میں دھول جھونکنے کیلئے دودھ او ر شہد کی نہریں بہنے کے دعوے نہیں کر رہی بلکہ عوام کو اصل حقائق سے آگا ہ رکھا جارہا ہے،غریب طبقے کو مہنگائی سے بچانے کیلئے ہر ممکن اقدامات تجویز کر کے اقدامات اٹھائے جارہے ہیں جس کے آنے والے مہینوں میں ثمرات سامنے آئیں گے۔