؁ اسلام آباد سی ڈی اے ، میئراور قومی اسمبلی کے منتخب ممبران کی عدم تو جہ کی وجہ سے کچرے کا ڈھیر بن چکاہے، محمد کاشف چوہدری

منگل 21 مئی 2019 23:35

} اسلام آباد (اُردو پوائنٹ اخبارتازہ ترین - آن لائن۔ 21 مئی2019ء) آل پاکستان تا جر اتحاد کے مر کزی صدر محمد کاشف چوہدری نے کہا ہے پاکستان کا دارلحکو مت اسلام آباد سی ڈی اے ، میئراور قومی اسمبلی کے منتخب ممبران کی عدم تو جہ کی وجہ سے کچرے کا ڈھیر بن چکاہے،شہر کے تجارتی مراکز،چھوٹی مارکیٹس اور رھائشی علاقوں میں کچرے اور گندگی کے ڈھیر بدبو،تعفن،وبائی امراض پھیلانے کا سبب بن رھے ہیں،انھوں نے کہا تنخواہوں کی عدم ادائیگی کیوجہ سے ایک ماہ میں دوسری مرتبہ شہر میں صفائی کا عملہ ہڑتال پر جا چکا ہے ۔

ان خیالات کا اظہار انھوں نے تا جر رہنمائوں کے ہمراہ مختلف مارکیٹس کا دورے کے موقع پر تاجروں سے گفتگو کر تے ہو ئے کیا ۔

(جاری ہے)

کاشف چوہدری نے کہا شہری حکومت کے قیام سے لیکر آج تک مارکیٹوں میں کوئی ترقیاتی کام نہیں کیا گیا،مارکیٹوں میں بند اسٹریٹ لائٹس،ٹوٹے ھوئے فٹ پاتھ،اُکھڑی پارکنگ،اُبلتی ہو ئی سیوریج لائنیں،پینے کے پانی کی عدم دستیابی نے شہر کی خوبصورتی اور مارکیٹوں کے حسن کو تباہ کر دیا ہے،شہری حکومت پراپرٹی ٹیکس میں اضافے،بورڈ و ٹریڈ لائسنسوں کی فیسوں میں بڑھوتری اور عوام و تاجروں کی جیبوں پر ڈاکہ ڈالنے میں مصروف ھے ، انہوں نے کہا خاکروبوں کو فوری طور پر تنخواہیں دی جائیں تاکہ اسلام آباد کو گندگی کا ڈھیر بننے سے بچایا جا سکے،وفاقی اور شہری حکومت شہر میں ترقیاتی کاموں کے جامع منصوبے کا اعلان کریں اور تاجروں پر نئے ٹیکس لگانے سے باز رہیں۔

۔۔۔اعجاز خان