نیب کی بڑی کارروائی،سندھ اینگروکول مائننگ کمپنی کے چیئرمین گرفتار

تینوں پر سندھ ٹرانسمیشن اینڈ ڈس پیچ کمپنی سے متعلق تحقیقات میں بے قاعدگیوں کے الزامات ہیں، نیب ذرائع

بدھ 22 مئی 2019 20:07

کراچی(اُردو پوائنٹ اخبارتازہ ترین - این این آئی۔ 22 مئی2019ء) قومی احتساب بیورو(نیب) نے کراچی سے سندھ اینگرو کول مائننگ کمپنی کے چیئرمین خورشید جمالی سمیت نجی کمپنی سے تعلق رکھنے والے تین افراد کو حراست میں لے لیاہے، تینوں پر سندھ ٹرانسمیشن اینڈ ڈس پیچ کمپنی سے متعلق تحقیقات میں بے قاعدگیوں کے الزامات ہیں۔

(جاری ہے)

ذرائع کے مطابق خورشید جمالی کے وارنٹ گرفتاری دو روز قبل جاری ہوئے ان کا نام کراچی سے سو کلومیٹر دور سپر ہائی پر نوری آباد پاور پلانٹ کی ڈس پیچ اینڈ ٹرانسمیشن لائن سے متعلق معاملے پر نیب کی تحقیقات میں بھی شامل تھا۔

جعلی اکائونٹس کیس میں جے آئی ٹی کی رپورٹ کے نتیجے میں خورشید جمالی کا نام ایگزٹ کنٹرول لسٹ میں بھی شامل کیاگیا تھا۔ذرائع نے بتایا کہ خورشید جمالی کئی برسوں سے سندھ حکومت کے ساتھ کئی شعبوں میں کنسلٹنٹ کے طور پر کام کر رہے ،ان کی گرفتاری بہت اہمیت کی حامل ہے۔