اے این ایف نی ملک گیر کارروائیوں کے دوران ایک ارب روپے مالیت کی 503 کلو گرام منشیات برآمد کر کے 23 ملزمان کو حراست میں لے لیا
جمعرات 23 مئی 2019 14:53
(جاری ہے)
دوسری کارروائی کے دوران اے این ایف راولپنڈی نے جی ٹی روڈ، اسلام آباد پر واقع ترنول پھاٹک کے قریب ایک ٹیوٹا کرولا کار کو روک کر دوران تلاشی گاڑی میں موجود خواتین کے لہنگوں اور گاڑی کے دروازوں میں انتہائی مہارت سے چھپائی گئی 3.580 کلو گرام ہیروئن برآمد کر کے پشاور کے رہائشی سلیم خان نامی ملزم کو گرفتار کر لیا۔
تیسری کارروائی کے دوران اے این ایف راولپنڈی نے مین جی ٹی روڈ جہلم پر واقع ترکئی ٹول پلازہ کے قریب شیخوپورہ کے رہائشی محمد شہزاد نامی ملزم کے ذاتی قبضے سے 1 کلو گرام چرس اور ایک کلو گرام افیون برآمد کر کے ملزم کو گرفتار کر لیا۔ چوتھی کارروائی کے دوران اے این ایف راولپنڈی نے اسلام آباد انٹرنیشنل ایئرپورٹ سے نوشہرہ کے رہائشی ثاقب خان نامی مسافر کو تحویل میں لے کر دوران تلاشی اس کے بیگ سے 2.920 کلو گرام ایمفیٹامائن برآمد کر کے اسے گرفتار کر لیا۔ ملزم پرواز نمبر GF-771 کے ذریعے مدینہ کیلئے روانہ ہو رہا تھا۔ پانچویں کارروائی کے دوران اے این ایف راولپنڈی نے اسلام آباد انٹرنیشنل ایئرپورٹ سے بذریعہ پرواز نمبر EK-613 مانچسٹر (براستہ دبئی) جانے والے گجرات کے رہائشی زاہد حسین نامی مسافر کے سامان کی تلاشی کے دوران اس کے بیگ میں چھپائی گئی 10.354 کلو گرام ہیروئن برآمد کر کے ملزم کو گرفتار کر لیا۔ چھٹی کارروائی کے دوران اے این ایف راولپنڈی نے اسلام آباد انٹرنیشنل ایئرپورٹ سے صوابی کے رہائشی محمد شاہد نامی مسافر کے سامان کی تلاشی کے دوران اس کے بیگ میں موجود احرام میں جذب کی گئی 1.134 کلو گرام ایمفیٹامائن برآمد کر کے ملزم کو گرفتار کر لیا۔ملزم پرواز نمبر PA-270 کے ذریعے جدہ کیلئے روانہ ہو رہا تھا۔ خفیہ اطلاع پر مبنی ساتویں کارروائی کے دوران اے این ایف راولپنڈی نے مین جی ٹی روڈ، اسلام آباد پر واقع بگّا موڑ کے قریب ایک بیڈ فورڈ ٹرک کو روک کر دوران تلاشی لی۔ ٹرک میں بنائے گئے خفیہ خانوں سے 308.4 کلو گرام افیون اور 51.6 کلوگرام چرس برآمد کر لی جبکہ موقع پر موجود خیبر ایجنسی کے رہائشی سید افضل اور عزیز الرحمان نامی دو ملزمان کو گرفتار کر لیا۔ اے این ایف لاہور نے سمبڑیال ڈرائی پورٹ، سیالکوٹ کے قریب کارروائی کے دوران سیالکوٹ کے رہائشی محمد انور نامی موٹرسائیکل سوار کو روک کر دوران تلاشی اس کے قبضے سے 1.050 کلو گرام چرس برآمد کر کے ملزم کو گرفتار کر لیا۔ دوسری کارروائی کے دوران اے این ایف لاہور نے مظفر گڑھ میں واقع گودر چوک کے قریب موٹرسائیکل پر سوار مظفر گڑھ کے رہائشی غلام شبیر اور اختر عباس نامی دو ملزمان کے ذاتی قبضے سے 12 کلو گرام چرس برآمد کر کے دونوں ملزمان کو گرفتار کر لیا۔ تیسری کارروائی کے دوران اے این ایف لاہور نے گودر چوک، مظفر گڑھ کے قریب محمد عنصر نامی موٹرسائیکل سوار کے قبضے سے 4.8 کلو گرام چرس برآمد کر کے ملزم کو گرفتار کر لیا۔ چوتھی کارروائی کے دوران اے این ایف لاہور نے ٹھوکر نیاز بیگ انٹرچینج، لاہور کے قریب ایک ٹیوٹا کرولا کار کو روک کر دوران تلاشی گاڑی کی ڈرائیونگ سیٹ میں چھپائی گئی 1.5 کلو گرام چرس برآمد کر کے موقع پر موجود خیبر ایجنسی کے رہائشی نیاز الله نامی ملزم کو گرفتار کر لیا۔ پانچویں کارروائی کے دوران اے این ایف لاہور نے اشفاق چوک، لاہور کے قریب واقع علی ہوٹل سے خیبر ایجنسی کے رہائشی جاوید خان نامی ملزم کے قبضے سے 1.5 کلو گرام چرس برآمد کر کے ملزم کو گرفتار کر لیا۔ چھٹی کارروائی کے دوران اے این ایف لاہور نے سرگودھا روڈ، فیصل آباد پر واقع الائیڈ موڑ کے قریب فیصل آباد کے رہائشی محمد توصیف نامی ملزم کے قبضے سے 4 کلو گرام چرس برآمد کر کے ملزم کو گرفتار کر لیا۔ ساتویں کارروائی کے دوران اے این ایف لاہور نے ملتان میں واقع العباس ویگن سٹینڈ کے قریب شہزاد مسیح نامی مقامی منشیات فروش کے ذاتی قبضے سے 500 گرام چرس برآمد کر کے ملزم کو گرفتار کر لیا۔ آٹھویں کارروائی کے دوران اے این ایف لاہور نے وہاڑی چوک، ملتان کے قریب واقع فیصل موور بس ٹرمینل سے منڈی بہائوالدین کے رہائشی شفقت الله نامی ملزم کے قبضے سے 5 کلو گرام چرس برآمد کر کے ملزم کو گرفتار کر لیا۔ نویں کارروائی کے دوران اے این ایف راولپنڈی نے رورل ہیلتھ سینٹر، اڈّہ بصیرہ، مظفرگڑھ کے قریب موٹرسائیکل پر سوار مظفر گڑھ کے رہائشی محمد حنیف اور شامیر حسین نامی دو ملزمان کے قبضے سے 2 کلو گرام چرس برآمد کر کے دونوں ملزمان کو گرفتار کر لیا۔ اے این ایف پشاور نے پشاور انٹرنیشنل ایئرپورٹ پر عمل میں لائی گئی دو علیحدہ کارروائیوں کے دوران نوشہرہ کے رہائشی سید شمس الحق اور محمد اقبال نامی دو مسافروں کے سامان کی تلاشی کے دوران ان کے بیگ اور بریف کیس میں چھپائی گئی بالترتیب 1.275 کلو گرام میتھ ایمفیٹامائن اور 1.5 کلو گرام میتھ ایمفیٹامائن برآمد کر لی۔دونوں ملزمان پرواز نمبر PA-670 کے ذریعے جدہ کے لئے روانہ ہو رہے تھے۔دوسری کاروائی کے دوران اے این ایف پشاور نے رنگ روڈ، پشاور پر واقع کوہاٹ پل کے قریب ایک سوروکی کلٹس گاڑی کو روک کر دوران تلاشی گاڑی کی ڈگّی میں چھپائی گئی 67.2 کلو گرام افیون اور 16.8 کلو گرام چرس برآمد کر کے موقع پر موجود کوہاٹ کے رہائشی عاصم رضا نامی ملزم کو گرفتار کر لیا۔تیسری کاروائی کے دوران اے این ایف پشاور نے پشاور انٹرنیشنل ایئرپورٹ سے بذریعہ پرواز نمبر SV-797 جدہ جانے والے بونیر کے رہائشی علی شیر نامی مسافر کے بیگ سے 1.850 کلو گرام میتھ ایمفیٹامائن برآمد کرلی۔چوتھی کاروائی کے دوران اے این ایف پشاور نے پشاور انٹرنیشنل ایئرپورٹ پرواقع کارگو ٹرمینل سے ایک پارسل کو قبضے میں لیکر اس سے 560 گرام چرس برآمد کر لی ۔برآمد شدہ منشیات 10 عدد ٹرائوزرز میں چھپائی گئی تھی۔تمام مقدمات اے این ایف کے متعلقہ تھانوں میں درج کر لئے گئے ہیں اور مزید تفتیش جاری ہے۔مزید قومی خبریں
-
محمدنواز شریف کے سمدھی ڈاکٹر مرزا آصف بیگ انتقال کر گئے،مرحوم سپرد خاک
-
وزیر دفاع و دفاعی پیداوار سے ترکیہ کے چیف آف جنرل سٹاف جنرل کی ملاقات
-
وزیراعلیٰ سندھ نےآئی جی سے مانسہرہ کالونی میں دھماکے کی تفصیلی رپورٹ طلب کر لی
-
چیئرمین سینیٹ کی کراچی کے علاقے لانڈھی میں گاڑی پر ہونے والے خودکش دھماکے کی مذمت
-
بلو چستان میں بہتر طرز حکومت اور شہر یوں کو ریلیف پہنچانا ہماری اولین تر جیح ہے، میرسرفراز بگٹی
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.