نواز شریف سے پارٹی کے سینئر رہنمائوں کی کوٹ لکھپت جیل میں ملاقات ، پارٹی کے آئندہ کے لائحہ عمل پر تبادلہ خیال

جمعرات 23 مئی 2019 15:01

اسلام آباد (اُردو پوائنٹ اخبارتازہ ترین - اے پی پی۔ 23 مئی2019ء) سابق وزیر اعظم نواز شریف سے مسلم لیگ (ن) کے سینئر رہنمائوں نے جمعرات کو کوٹ لکھپت جیل میں ملاقات کی جس میں ملک کی تازہ ترین صورتحال اور پارٹی کے آئندہ کے لائحہ عمل کے حوالے سے تفصیلی تبادلہ خیال کیا گیا۔

(جاری ہے)

سابق وزیر اعظم شاہد خاقان عباسی، خواجہ محمد آصف، مشاہد اللہ خان، کھیل داس کوہستان، انجیئر خرم دستگیر اور مخدوم جاوید ہاشمی نے سابق وزیر اعظم سے ملاقاتیں کیں۔ مسلم لیگ (ن) کے رہنمائوں نے ذرائع ابلاغ کے نمائندوں سے باتیں کرتے ہوئے کہاکہ ہم نے نواز شریف سے ان کی صحت سے متعلق دریافت کیا ہے۔ ان کے حوصلے بلند ہیں اور وہ گھبرانے والوں میں سے نہیں ہیں۔