نوجوان نسل شدید ڈپریشن کا شکار،لوگ خوشیاں تلاش کرتے کرتے سکون تک بھول گئے، سب کچھ ہونے کے باوجود زندگی سے مطمئن نہیں، پروفیسرڈاکٹرآفتاب آصف

جمعہ 24 مئی 2019 18:55

لاہور۔24 مئی(اُردو پوائنٹ اخبارتازہ ترین - اے پی پی۔ 24 مئی2019ء) کنگ ایڈورڈ میڈیکل یونیورسٹی و میو ہسپتال لاہور کے شعبہ سائیکاٹری کے سربراہ پروفیسر ڈاکٹر آفتاب آصف نے کہا ہے کہ آج کل نوجوان نسل شدید ڈپریشن کا شکار ہے اور اس کی بڑی وجہ صرف دوسروں سے مقابلہ ہے ،ْ یہاںاے پی پی سے گفتگو کرتے ہوئے کہا انہوں نے کہاکہ موجودہ نفسا نفسی کے دور میں لوگ خوشیاں تلاش کرتے کرتے زندگی کا سکون تک بھول گئے ہیں ،ْ لوگ چاہتے ہیں کہ ان کے پاس زندگی کی ہر آسائش فوری آ جائے جس کی وجہ سے لوگ قلبی و روحانی سکون سے محروم ہیں ،ْ ایک سوال کے جواب میں انہوں نے کہا کہ پہلے خوشیاں اور طرح کی ہوتی تھیں لوگ تہواروں اور کھیلوں کی سرگرمیوں میں مشغول رہتے تھے ، آپس میں گھل مل کر رہنے سے ایک دوسرے سے اپنا دکھ درد بیان کرتے تھے جس سے وہ اپنے آپ کو ہلکا پھلکا محسوس کرتے تھے جبکہ آج کل نفسا نفسی کا دور ہے ہرکوئی کسی نہ کسی مسئلہ میں الجھا ہوا نظرآتا ہے،لوگ سکون ایسی چیزوں میں تلاش کر رہے ہیں جس میں انہیں کوئی فائدہ نہیں ہو رہا ،ْ انہوں نے کہا کہ میرے پاس اس طرح کے مریض آتے ہیں جن کے پاس سب کچھ ہوتا ہے لیکن وہ زندگی سے مطمئن نہیں ہوتے۔

Facebook Twitter Google + Share on Whatsapp

نوجوان نسل شدید ڈپریشن کا شکار،لوگ خوشیاں تلاش کرتے کرتے سکون تک بھول گئے، سب کچھ ہونے کے باوجود زندگی سے مطمئن نہیں، پروفیسرڈاکٹرآفتاب آصف

متعلقہ عنوان :

مزید تعلیم کی خبریں