بجٹ دستاویز لیک ہونے کے پیچھے ہیکرز کا ہاتھ ہے‘حکومت نیوزی لینڈ

اڑتالیس گھنٹوں کے دوران ہیکرز نے بجٹ دستاویز حاصل کرنے کیلئے حکومتی سسٹم پر دو ہزار مرتبہ حملہ کیا ‘کیوی وزیر خزانہ

بدھ 29 مئی 2019 11:50

کرائسٹ چرچ (اُردو پوائنٹ اخبارتازہ ترین - این این آئی۔ 29 مئی2019ء) نیوزی لینڈ کی حکومت نے کہا ہے کہ اس ہفتے پیش کیے جانے والے بجٹ کی دستاویزات لیک ہونے کے پیچھے سائبر حملہ آوروں کا ہاتھ تھا۔

(جاری ہے)

نیوزی لینڈ کے وزیر خزانہ کا کہنا ہے کہ ہیکرز نے بجٹ دستاویزات منظم طریقے سے دانستہ طور پر لیک کیں۔اڑتالیس گھنٹوں کے دوران ہیکرز نے بجٹ دستاویز حاصل کرنے کے لیے حکومتی سسٹم پر دو ہزار مرتبہ حملہ کیا جو جزوی طور پر کامیاب رہا۔کیوی وزیر خزانہ نے کہا کہ انٹیلی جینس سروسز کے مشورے پر واقعے کی اطلاع پولیس کو دے دی گئی ہے اور نیوزی لینڈ کا بجٹ جمعرات کو پیش کیا جائے گا۔