وزیر خارجہ شاہ محمود قریشی کی عمرہ کی ادائیگی کے بعد جدہ میں او آئی سی کے وزرائے خارجہ کے اجلاس میں شرکت

بدھ 29 مئی 2019 14:50

اسلام آباد (اُردو پوائنٹ اخبارتازہ ترین - اے پی پی۔ 29 مئی2019ء) وزیر خارجہ شاہ محمود قریشی نے مکہ مکرمہ میں عمرہ ادا کیا اور ملکی ترقی و خوشحالی کیلئے دعا کی۔ وزیر خارجہ او آئی سی کے وزرائے خارجہ کے اجلاس میں شرکت کی غرض سے سعودی عرب کا دورہ کر رہے ہیں۔ وزیر خارجہ شاہ نے مکہ میں عمرہ ادا کیا اور مسجد الحرام میں نماز تراویح ادا کی۔

(جاری ہے)

اپنے ایک ٹویٹ میں وزیر خارجہ نے کہا کہ الله تعالیٰ اس مشکل گھڑی میں ہماری مدد کرے اور پاکستان کو قائداعظم کے خوابوں کے مطابق ملک بنائے۔

شاہ محمود قریشی عمرہ کی ادائیگی کے بعد مکہ سے واپس جدہ پہنچے جہاں انہوں نے او آئی سی کے وزرائے خارجہ کونسل کے اجلاس میں شرکت کی۔ وزیر خارجہ 31 مئی کو مکہ میں ہونے والے او آئی سی سربراہ اجلاس میں بھی وزیر اعظم عمران خان کے ہمراہ ہوں گے۔ اجلاس میں او آئی سی رکن ملکوں کے سربراہاں شرکت کر رہے ہیں۔