قومی اسمبلی ، سینیٹ کی پارلیمانی پارٹی کا کل مشترکہ اجلاس بلا کر عدلیہ پر حکومتی حملے کی جوابی عملی عملی تیار کی جائے‘ نواز شریف
دیگر اپویشن جماعتوں کیساتھ بھی رابطے کئے جائیں ،عدلیہ پر حکومتی حملے ناکام بنانے میں کسی کمزوری کا مظاہرہ نہ کیا جائے‘ رہنمائوں سے گفتگو
جمعرات 30 مئی 2019 16:39
(جاری ہے)
مسلم لیگ (ن) کے قائد محمد نواز شریف سے کوٹ لکھپت جیل میں ان کی والدہ بیگم شمیم اختر، صاحبزادی مریم نواز، داماد کیپٹن (ر) محمد صفدر سمیت دیگر عزیز و اقارب نے ملاقات کرکے ان کی صحت بارے دریافت کیا ۔نواز شریف سے پارٹی رہنمائوں راجہ ظفر الحق ،رانا ثنا اللہ، پرویز رشید ، خواجہ محمد آصف، مریم اورنگزیب، انجینئر خرم دستگیر، رفیق رجوانہ، عطاء اللہ تارڑ، رانا مشہود سمیت دیگر نے ملاقات کی ۔
اس موقع پر ملک کی مجموعی صورتحال خصوصاً حکومت کی جانب سے معزز عدلیہ کے ججز کے خلاف ریفرنس دائر کرنے کے حوالے سے تفصیلی گفتگو کی گئی ۔ذرائع کے مطابق نواز شریف نے کہا کہ مسلم لیگ (ن) عدلیہ کا احترام کرتی ہے ،عدلیہ بحالی تحریک میں مسلم لیگ (ن) نے پہلے بھی اہم کردار ادا کیا تھا ۔پارٹی عدلیہ کے معزز جج صاحبان پر حکومتی تہمتوں کے پلندے کو بے نقاب کرے اور بھرپور مزاحمت کرے،میں ہر طرح کی قربانی دینے کو تیار ہوں، اپنی پرواہ نہیں، یہ ملک وقوم کو بچانے کا وقت ہے۔ انہوں نے کہا کہ میرے ساتھ جو ہونا تھا ہوگیا، جو ہوگا اللہ مالک ہے، آپ آئینی ادارے کو بچانے کے لئے بھرپور صلاحیتیں استعمال کریں،ووٹ کو عزت دو کے لئے ہر قربانی دینے کو تیار ہوں۔ انہوں نے کہا کہ یہ پیغام ہے کہ عوام میری صحت کی فکر مت کریں، میرا مقصد بہت بڑا ہے۔نوازشریف نے مریم اورنگزیب کو شعر کی صورت میں پیغام لکھ کر دیا ،یہ حادثات نہ سمجھیں ابھی کہ پست ہوں میں ۔۔۔۔شکستہ ہوکے بھی ناقابل شکست ہوں میں ۔ ذرائع کے مطابق نواز شریف نے کہا کہ عوام دیکھ لیں یہ ہے نیا پاکستان۔ ذرائع کے مطابق پارٹی رہنمائوں نے نواز شریف کو اسلام آباد میں پیپلز پارٹی کے کارکنوں پر تشد دکے حوالے سے بھی آگاہ کیا جس پر نواز شریف نے اس کی مذمت کرتے ہوئے کہا کہ کسی جمہوری حکومت میں نہتے، پرامن سیاسی کارکنوں پر بہیمانہ تشدد کی امید نہیں کی جا سکتی۔تحریک انصاف والوں نے کئی ماہ اسلام آباد کو مفلوج کئے رکھا مگر آج ان سے کارکنوں کا اپنی قیادت سے اظہار یکجہتی کے لئے آنا برداشت نہیں ہو سکا۔ ذرائع کے مطابق نواز شریف نے ابتر معاشی صورتحال اور مہنگائی پر بھی اپنی تشویش ظاہر کی ۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.