دلکش کتا اپنے مالک کے ساتھ ہر روز گلیوں میں زندہ مجسمہ بنتا ہے
امین اکبر اتوار 9 جون 2019 23:38
برازیل کے شہر فورٹالیزا میں ایک فنکار ہر روز ہی گلیوں میں زندہ مجسمہ بنتا ہے۔دلچسپ بات یہ ہے کہ فن کے اس مظاہرے میں فنکار کا کتا بھی شامل ہوتا ہے۔
یورگی لوئس روئیز ایک نوجوان وینیزولن فنکار ہیں، جو بہتر زندگی کی تلاش میں برازیل منتقل ہو گئے ۔ وہ برازیل کی شمال مشرقی ریاست سئیرا کے شہر فورٹالیزا میں رہائش پذیر ہیں۔ یورگی شہر کے مصروف ترین علاقے میں زندہ مجسمہ بن کر اپنے فن کا مظاہرہ کرتے ہیں۔
یورگی اور جاسپ علاقے کے لوگوں میں تو مقبول تھے ہی لیکن حالیہ دنوں میں انہیں عالمی سطح پر بھی مقبولیت مل رہی ہے۔
(جاری ہے)
کچھ عرصہ پہلے ٹوئٹر پر ایک ویڈیو وائرل ہوئی تھی، جس میں ان کے مجسمہ بننے کے معمول کو دکھایا گیا ہے۔
تین ہفتوں میں یہ ویڈیو 50 لاکھ سے زیادہ بار دیکھی گئی ، اسے 2 لاکھ 60 ہزار لائکس ملے اور اس پر 91 ہزار سے زیادہ تبصرے ہوئے۔یورگی اور جاسپ کے انسٹاگرام پر 90 ہزار کے قریب فالورز ہیں۔ بہت سے ایجنسیوں نےا ُن سےرابطہ کیا ہے تاکہ اُن پر خبر بنائی جا سکے۔یورگی کا دعویٰ ہے کہ انہوں نے جاسپ کی کسی قسم کی تربیت نہیں کی۔ یہ سب کچھ قدرتی طریقے سے ہوا ہے۔یورگی نے بتایا کہ وہ گزشتہ 6 سالوں سے زندہ مجسمہ بن رہے ہیں لیکن جاسپ نے یہ اس وقت شروع کیا جب وہ 6 سال پہلے ہی برازیل منتقل ہوئے۔یورگی نے بتایا کہ کوئی بھی ایسا شخص نہیں تھا، جس کے پاس وہ جاسپ کو چھوڑتے، اسی لیے وہ اسے اپنے ساتھ ہی لانے لگے۔یورگی نے بتایا کہ وہ جب بھی جاسپ کی گردن چومتے تو وہ سر اونچا کر کے منجمد ہوجاتی۔ یورگی نے جاسپ کے اس رد عمل کو اپنے معمول میں شامل کرنے کا فیصلہ کیا۔
یورگی نے بتایا کہ انہیں شروع میں کئی بار مشکلات کا سامنا بھی کرنا پڑا۔ ایک بار ایک خاتون، جو خود کا جانوروں کی حفاظت کرنے والی ایجنسی سے تعلق ظاہر کر رہی تھیں، نے ان پر جاسپ سے بدسلوکی کا الزام عائد کیا۔ خاتون نے اس معاملے پر پولیس کو بھی بلا لیا۔ پولیس نے جاسپ کو کھینچ کر لے جانے کی کوشش کی لیکن علاقے کے لوگوں نے اُن کی حمایت کی اور حکام کو ایسا کرنے سے روک دیا۔ یورگی کا کہنا ہے کہ تب سے وہ علاقے کےلوگوں کے شکرگزار ہیں۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.