بھارتی وزیر اعظم مودی کے کرغزستان کے دورے کے لیے خاص طور پر ایئر سپیس کھولی جائیگی،غلام سرور خان

بدھ 12 جون 2019 20:34

اسلام آباد (اُردو پوائنٹ اخبارتازہ ترین - این این آئی۔ 12 جون2019ء) وفاقی وزیر ایوی ایشن غلام سرور خان نے کہا ہے کہ بھارتی وزیر اعظم مودی کے کرغزستان کے دورے کے لیے خاص طور پر ایئر سپیس کھولی جائے گی۔بدھ کو جاری ایک بیان میںانہوں نے کہا کہ جذبہ خیر سگالی کے تحت یہ ایئر سپیس کھولی جائیگی۔ انہوںنے کہاکہ بھارتی ہائی کمیشن کی طرف سے ایوی ایشن ڈویڑن کو درخواست بروز سوموار موصول ہوئی تھی۔

(جاری ہے)

وزیراعظم عمران خان نے تمام اسٹیک ہولڈرز سے مشورہ کرکے اسپیس کھولنے کا کہا۔پاکستان ہمیشہ سے خطے میں امن چاہتا ہے۔مشرقی باؤنڈ ائیراسپیس خطے میں کشیدگی کی وجہ سے بند تھی۔اس سلسلیمیں آئیر انڈیا B 747 400 استعمال کریگا۔ایئر سپیس کھلنے سے ایئر انڈیا کا جہاز 13جون کو نئی دہلی سے بشکیک جائے گا اور چودہ جون کو بشکیک سے نئی دلی آئے گا۔یہ ائیراسپیس 72 گھنٹوں کے لیے کھولی جائے گی۔اس رستے کے کھلنے سے نئی دلی اور بشکیک کا راستہ ڈیڑھ گھنٹے کا ہو جائے گا۔غلام سرور ان کا کہنا تھا کہ اس آئیر سپیس کے بند ہونے سے بھارت کو زیادہ نقصان ہو رہا ہے۔