کمانڈر یو ایس نیوسینٹ کی پاک بحریہ کے سربراہ سے ملاقات اور باہمی دلچسپی کے امور پر تبادلہ خیال

بدھ 12 جون 2019 21:19

کراچی (اُردو پوائنٹ اخبارتازہ ترین - این این آئی۔ 12 جون2019ء) کمانڈر یو ایس نیول فورسز سنٹرل کمانڈ(US NAVCENT)، کمانڈر یو ایس ففتھ فلیٹ ، کمانڈر کمبائنڈ میری ٹائم فورسز وائس ایڈمرل جیمز میلائے نے پاک بحریہ کے سربراہ ایڈمرل ظفر محمود عباسی سے نیول ہیڈکوارٹرز اسلام آباد میں ملاقات کی۔

(جاری ہے)

ملاقات کے دوران باہمی دلچسپی کے امور بشمول دو طرفہ بحری تعاون اوربحر ہند میں میری ٹائم سکیورٹی پرتبادلہ خیال کیا گیا۔پاک بحریہ 2004 سے کمبائنڈ میری ٹائم فورس کا مسلسل حصہ رہی ہے اور کثیر القومی کمبائنڈ ٹاسک فورس 150 کی کمانڈ گیارہ مرتبہ اورکمبائنڈ ٹاسک فورس 151 کی کمانڈ آٹھ مرتبہ کر چکی ہے۔ مزید براں،ٹاسک فورس 150 کی حالیہ کمانڈ اس وقت پاکستان بحریہ کے پاس ہے۔