پھولوں کابادشاہ گلاب دشمنوں کی زد میں، ماہرین زراعت نے گلاب میں کالے دھبے کی بیماری کے بروقت انسداد کی ہدایت

جمعرات جون 14:22

فیصل آباد (اُردو پوائنٹ اخبارتازہ ترین - اے پی پی۔ 13 جون2019ء) ماہرین زراعت نے کہاہے کہ پھولوںکابادشاہ گلاب دشمنوں کی زد میں ہے اور گلاب کا پہلا پتا کھلنے سے پھول کی برداشت تک اسے مختلف دشمنوں اور بیماریوں کاسامنا کرناپڑتا ہے جن مین سب سے مہلک بیماری کالے دھبے کی ہے جو گلاب کی خوبصورتی اور حسن کو دھندلا کررہی ہے لہٰذا کاشتکار گلاب میں کالے دھبے کی بیماری کے بروقت انسداد کیلئے فوری اقدامات کریں۔

(جاری ہے)

انہوںنے کہاکہ جن اقسام میں کالے دھبے کی بیماری عام ہو رہی ہو ان اقسام کو ان علاقوں میں کاشت نہ کیاجائے جہاں پھپھوندی کے حملے کا زیادہ خطرہ ہو ۔ انہوںنے کہاکہ اس وقت پاکستان میں گلاب کی کافی تعداد میں ایسی اقسام پائی جاتی ہیں جو پھپھوندی کی بیماری سے پاک ہیں۔ انہوںنے کہاکہ کاشتکار گلاب کے پودوں کی صفائی ستھرائی پر خصوصی توجہ دیں اور تمام گرے ہوئے متاثرہ پتوں اور شاخوںکو کاٹ کر جلا دیں تاکہ بیماری کا پھیلائو روکاجاسکے۔

متعلقہ عنوان :