ایوی ایشن ڈویژن نے سیاحت کے فروغ کے لئے ٹی پی آر آئی لائسنس متعارف کرا دیا

جمعہ 14 جون 2019 16:53

اسلام آباد (اُردو پوائنٹ اخبارتازہ ترین - اے پی پی۔ 14 جون2019ء) ایوی ایشن ڈویژن نے سیاحت کے فروغ کے ٹی پی آر آئی لائسنس متعارف کرا دیا ہے۔ جمعہ کو ایوی ایشن ڈویژن میں وفاقی وزیر ہوا بازی غلام سرور خان کی زیر صدارت اجلاس منعقد ہوا۔ وفاقی وزیر غلام سرور خان نے کہا کہ وزیراعظم عمران خان کی سیاحت کے وژن کے مطابق ایوی ایشن ڈویژن اپنا کردار ادا کر رہی ہے۔

(جاری ہے)

انہوں نے کہا کہ سی اے اے کے نئے لائسنس کو ٹورازم پروموشن اینڈ ریجنل انٹیگریشن کا نام دیا ہے، سی اے اے نے ایئر آپریٹرز کے لائسنس کے اجراء اور تجدید کے نظرثانی شدہ تقاضے جاری کر دیئے ہیں، نئے تقاضوں کے مطابق ایئر آپریٹرز سرٹیفکیٹ کی اقسام تین سے بڑھا کر چار کر دی گئی ہیں، اس لائسنس کیلئے کمپنی کو ایس ای سی پی سے مربوط ہونا چاہئے۔ سول ایوی ایشن اتھارٹی نے وزیراعظم کے سیاحت کو فروغ دینے کے وژن کیلئے یہ قدم اٹھایا ہے۔