نشے میں دھت شخص نے لاعلمی میں گھر چابیاں نگل لیں
امین اکبر جمعہ 14 جون 2019 23:40
7 جون کو چینی صوبے گوانگڈونگ سے تعلق رکھنے والے 26 سالہ ، چینگ، ہفتے کے اختتام پر اپنے دوستوں کے ساتھ شراب پینے گئے۔ آدھی رات کو جب وہ گھر آئے تو اپنی چابیاں ڈھونڈنے لگے لیکن انہیں چابیاں نہیں ملیں۔ انہوں نے گھر فون کیا تاکہ اُن کے لیے دروازہ کھولا جا سکے۔ وہ چونکہ نشے میں تھے، اس لیے انہوں نے دوبارہ گمشدہ چابیوں کے بارے میں نہیں سوچا۔ اگلی صبح جب وہ جاگے تو ان کے سینے میں شدید درد تھا۔
(جاری ہے)
اس پر وہ مقامی ڈونگوان ہسپتال چلے گئے تاکہ اپنا معائنہ کرا سکیں۔
ڈاکٹروں نے اُن کے اوپری جسم کا ایکسرے لیا۔ڈاکٹر یہ دیکھ کر حیران رہ گئے کہ اُن کی بڑی آنت میں چابیاں موجود ہیں۔ ڈاکٹروں نے چابیوں کے بارے میں پوچھا تو چینگ نے اعتراف کیا کہ اُن کے گھر کی چابیاں پچھلی رات سے گم ہیں۔ تاہم وہ چابیوں کے جسم میں پہنچنے کی کوئی وضاحت پیش نہ کر سکے۔چینی نیوز سائٹ سوہو کے مطابق ایکسرے میں چابی دیکھ کر چینگ بھی اتنے ہی حیران تھے جتنے ڈاکٹر حیران ہوئے تھے۔
ڈاکٹروں نے فیصلہ کیا کہ چابی کو قدرتی طریقے جسم سے نکلنے دینا نقصان دہ ہو سکتا ہے۔ اس طرح چابی چینگ کی آنتیں بھی چیر سکتی ہے۔ اینڈوسکوپی سے چابی کھینچنے سے یہ بڑی آنت کو نقصان پہنچا سکتی ہے۔ ڈاکٹروں نے فیصلہ کیا کہ وہ سرجری سے چابی کو نکالیں گے۔
ڈاکٹر ژہانگ یویو نے رپورٹروں کو بتایا کہ انہوں نے پہلے گیسٹروسکوپک کے استعمال سے چابی نکالنے کی کوشش کی لیکن اس طرح انہیں گلے کے پاس بڑی آنت کے تنگ مقام سے چابی نکالنے میں مشکل ہوئی۔ انہوں نے بتایا کہ چابیاں بہت بڑی تھیں اور انہیں سختی سے کھینچنے میں بڑی آنت کو ناقابل تلافی نقصان پہنچ سکتا تھا۔اسی وجہ سے انہوں نے گیسٹروسکوپک کو ترک کر دیا۔ اس وقت ہسپتال کا زیادہ تر عملہ چھٹی پر تھا۔ خوش قسمتی سے اینستھیزیا لوجسٹ اور ڈیپارٹمنٹ آف گیسٹروینٹرولوجی کے ڈپٹی ڈائریکٹر نے اپنی چھٹیاں منسوخ کر کے چینگ کا آپریشن کرنے کا فیصلہ کیا اور کامیابی سے چابیاں باہر نکال لیں۔
چینگ نے چابیاں کیسے نگلیں؟ یہ ابھی تک ایک معمہ ہے جو شاید کبھی حل نہ ہوسکے۔ چینگ کو ابھی تک یاد نہیں کہ نشے میں انہوں نے کیا کچھ کیا تھا۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.