راولپنڈی ، تین روزہ انسداد پولیو مہم کا آغاز ،سیکورٹی کے فول پروف انتظامات

والدین اپنے بچوں کو جسمانی معذوری سے بچانے کیلئے پولیو ویکسین سے محروم نہ رکھیں، حکام

پیر 17 جون 2019 13:19

راولپنڈی ، تین روزہ انسداد پولیو مہم کا آغاز ،سیکورٹی کے فول پروف ..

راولپنڈی(اُردو پوائنٹ اخبارتازہ ترین - این این آئی۔ 17 جون2019ء) راولپنڈی میں تین روزہ انسداد پولیو مہم کا آغاز ہو گیا،ڈپٹی کمشنر راولپنڈی چوہدری محمد علی رندھاوا نے اپنے صاحبزادے کو پولیو ویکسین کے قطرے پلا کر پولیو مہم کا افتتاح کیا،مہم کے دوران راولپنڈی میں ن7لاکھ 30 ہزار بچوں کو پولیو سے بچاو کے لئے حفاظتی ویکسین کے قطرے پلائے جائیں گے ۔

نپولیو ٹیموں کے تحفظ کے لئے سیکورٹی کے فول پروف انتظامات کئے گئے ہیں۔

(جاری ہے)

حکام کے مطابق پولیو ویکسین میں کوئی مضر صحت چیز شامل نہیں،پولیوویکسین کے بارے میں منفی پراپیگنڈہ بے بنیاد اورمن گھڑت ہے۔والدین اپنے بچوں کو جسمانی معذوری سے بچانے کیلئے پولیو ویکسین سے محروم نہ رکھیں۔چوہدری محمد علی رندھاوا نے کہاکہ انسداد پولیومہم کیلئے زرائع ابلاغ کے ساتھ علماء کرام اور سماجی کارکنان کا تعاون قابل تعریف ہے۔نانہوںنے کہاکہ پولیو مہم کے دوران موبائیل ٹیمیں گھر گھر جاکر پانچ سال تک کی عمر کے بچوں کو پولیو سے تحفظ فراہم کر رہی ہیں۔