آصف زرداری کیلیے اڈیالہ جیل میں خصوصی کمرہ تیار

نوازشریف بھی رہ چکے ہیں، کیمرے لگ گئے،دوسرے قیدیوں کا جانا ممنوع ہوگا

پیر 17 جون 2019 20:38

آصف زرداری کیلیے اڈیالہ جیل میں خصوصی کمرہ تیار

راولپنڈی(اُردو پوائنٹ اخبارتازہ ترین - آن لائن۔ 17 جون2019ء) سنٹرل جیل اڈیالہ میں پیپلز پارٹی کے گرفتار قائد و سابق صدر آصف زرداری کے لیے خصوصی کمرہ تیار کر لیا گیا ہے۔آصف زرداری نے سابق صدر جنرل پرویز مشرف کے دور میں بھی اسی خصوصی کمرے میں طویل قید کاٹی تھی۔ اس میں سابق وزیر اعظم نواز شریف بھی قید کاٹ چکے ہیں۔

(جاری ہے)

اس کمرے میں ایئرکنڈیشنر لگانے کے ساتھ فریج کی بھی سہولت ہوگی اور جیل کی طرف سے ان کیلیے 2 خصوصی خدمت گار بھی مہیا ہوں گے۔

ایک خدمت گار دن کو ایک رات کے وقت دستیاب ہوگا۔اس کمرہ کی راہداریوں میں کلوز سرکٹ کیمرے بھی لگا دیئے گئے ہیں، بجلی جانے کی صورت میں جنریٹر کا انتظام بھی کیا گیا ہے۔ عدالت کی طرف سے جوڈیشل ریمانڈ پر جیل بھیجنے سے قبل دوبارہ ان کا مکمل میڈیکل بورڈ چیک اپ کرایا جائے گا۔ جیل کے اس مخصوص وی وی آئی پی کمرہ کی صفائی ستھرائی مکمل کر لی گئی ہے۔ ان کے کمرہ کی طرف جیل کے دیگر قیدیوں کی آمد و رفت مکمل ممنوع ہوگی