ٹرمپ نے غیر قانونی تارکین وطن کی ملک بدری کے احکامات جاری کر دیے

منگل 18 جون 2019 16:48

واشنگٹن (اُردو پوائنٹ اخبارتازہ ترین - اے پی پی۔ 18 جون2019ء) امریکی صدر ڈونلڈ ٹرمپ نے لاکھوں غیر قانونی تارکین وطن کو ملک سے نکال دینے کے احکامات جاری کر دیے ہیں۔

(جاری ہے)

ٹرمپ نے اپنی ایک ٹویٹ میں پولیس اور دیگر متعلقہ حکام کو ہدایت کی کہ وہ آئندہ ہفتوں کے دوران رہائشی اجازت ناموں کے بغیر امریکا میں مقیم افراد کو ملک بدر کرنا شروع کر دیں۔ ٹرمپ کے مطابق انہیں اتنی ہی جلدی سے واپس بھیجا جانا چاہیے، جتنی جلدی سے وہ امریکا میں داخل ہوتے ہیں۔ امریکا میں غیر قانونی تارکین وطن کی تعداد گیارہ ملین کے لگ بھگ ہے۔ ان میں سے زیادہ تر کا تعلق لاطینی امریکی ممالک سے ہے۔