پاک بحریہ کے دو کموڈورز کی رئیر ایڈمرل کے رینک پر ترقی

اسلام آباد (اُردو پوائنٹ اخبارتازہ ترین۔ 19 جون2019ء) پاک بحریہ کے کموڈور محمد سعید اور کموڈور عبدالصمد کو ریئر ایڈمرل کے رینک پر ترقی دے دی گئی ہے۔
رئیر ایڈمرل عبدالصمد نے 1990 میں پاک بحریہ کی آپریشنز برانچ میں شمولیت اختیار کی۔ آپ پاکستان نیوی وار کالج لاہور اور نیشنل ڈیفنس یونیورسٹی اسلام آبادکے گریجویٹ ہیں اور جرمنی سے پیشہ ورانہ تربیت حاصل کر چکے ہیں۔

ریئر ایڈمرل عبدالصمد کو اپنے شاندار کر ئیر کے دوران مختلف کمانڈ اور سٹاف عہدوں پر کام کرنے کا وسیع تجربہ ہے۔ آپ کی نمایاں کمانڈتقرریوں میں کمانڈنگ آفیسر پاکستان نیوی سب میرین، ڈائریکٹر سب میرین ٹریننگ سنٹر اور کمانڈر سب میرین سکاڈرن شامل ہیں۔ آپ کی نمایاں سٹاف تقرریوں میں کمانڈر پاکستان فلیٹ کے فلیٹ سب میرین آفیسر، نیول ہیڈ کوارٹرزاسلام آبادمیں اسسٹنٹ چیف آف نیول سٹاف اور ڈپٹی چیف پراجیکٹ ڈائریکٹر شامل ہیں۔

ریئر ایڈمرل عبدالصمد جرمنی کے شہر برلن میں نیو ل اور ایئر اتاشی بھی رہ چکے ہیں۔ فی الوقت، آپ نیول ہیڈ کوارٹرزاسلام آبادمیں ڈپٹی چیف آف نیول سٹاف (ٹریننگ اینڈ ایویلیوویشن) کے فرائض سرانجام دے رہے ہیں۔آپ کی غیر معمولی پیشہ وارانہ خدمات کے اعتراف میں ستارہِ امتیاز( ملٹری) سے نوازا جا چکا ہے۔