گھریلو پریشانی اور بے روزگاری سے تنگ نوجوان بجلی کے کھمبے پر چڑھ گیا

لاہور(اردوپوائنٹ اخبارتازہ ترین-انٹرنیشنل پریس ایجنسی۔20 جون۔2019ء) صوبہ پنجاب کے شہر لاہور میں گھریلو پریشانی اور بے روزگاری سے تنگ نوجوان بجلی کے کھمبے پر چڑھ گیا. تفصیلات کے مطابق لاہورکے علاقے بابو صابو چوک پر گھریلو پریشانی اور بے روزگاری سے تنگ نوجوان بجلی کے کھمبے پر چڑھ گیا‘واقعے کی اطلاع ملتے ہی ریسکیو اہلکاروں کی بڑی تعداد جائےوقوع پرپہنچ گئی اور مذاکرات کے بعد شہری کواسنارکل کی مدد سے نیچے اتارکرہسپتال منتقل کردیا.

پولیس حکام کے مطابق متا ثرہ شہری کی جیب سے خط برآمد ہوا ہے جس میں وزیراعظم عمران خان اور چیف جسٹس آصف سعید کھوسہ سے مہنگائی کے حوالے سے نوٹس لینے کی اپیل کی گئی ہے.

(جاری ہے)

خط کے متن کے مطابق ملک کو امیروں نے لوٹا لیکن اس کا خمیازہ غریب عوام بھگت رہی ہے‘اس سے قبل 17 جون کو صوبہ پنجاب کے شہر خانیوال میں گھریلو جھگڑے سے تنگ شہری بجلی کے کھمبے پر چڑھ گیا تھا ریسکیو اہلکاروں نے کئی گھنٹوں کی کوشش کے بعد متاثرہ شخص کو بجلی کے کھمبے سے اتار لیا تھا.

یاد رہے کہ گزشتہ سال دسمبر میں کراچی کے علاقے کورنگی میں سنگر چورنگی کے قریب ایک شخص کے الیکٹرک کی ہائی ٹینشن لائن پرچڑھ گیا تھا، شہری کا کہنا تھا کہ میری شادی کراﺅ ورنہ اوپر سے کود کر جان دے دوں گا. اس سے قبل 17 جون کو صوبہ پنجاب کے شہر خانیوال میں گھریلو جھگڑے سے تنگ شہری بجلی کے کھمبے پر چڑھ گیا تھا ریسکیو اہلکاروں نے کئی گھنٹوں کی کوشش کے بعد متاثرہ شخص کو بجلی کے کھمبے سے اتار لیا تھا. یاد رہے کہ گزشتہ سال دسمبر میں کراچی کے علاقے کورنگی میں سنگر چورنگی کے قریب ایک شخص کے الیکٹرک کی ہائی ٹینشن لائن پرچڑھ گیا تھا، شہری کا کہنا تھا کہ میری شادی کراﺅ ورنہ اوپر سے کود کر جان دے دوں گا.