سرمایہ کاری 8 سے 9 بلین ڈالر تک پہنچ چکی ہے،سردار تنویر الیاس خان

لاہور (اُردو پوائنٹ اخبارتازہ ترین - آن لائن۔ 20 جون2019ء) چیئرمین پنجاب سرمایہ کاری بورڈ سردار تنویر الیاس نے کہا کہ سرمایہ کاری 8 سے 9 بلین ڈالر تک پہنچ چکی ہے انھوں نے کہا کہ ڈالر کی اتار چڑھاو اور نیب قیاس آرائیوں کے پیچھے بڑی وجہ مفروضات ہیں۔ چیئرمین پنجاب سرمایہ کاری بورڈ سردار تنویر الیاس خان نے میڈیا سے گفتگو کرتے ہوئے کہا کہ دنیا کو سرمایہ کاری کے لئے ہماری منڈیوں کی ضرورت ہے۔

بیرونی سرمایہ کار خود چل کر پاکستان آ رہا ہے،اس وقت تقریبا آٹھ ارب ڈالر کی سرمایہ کاری پائپ لائن میں ہے۔سردار تنویر الیاس نے کہا کہ ہم ایسا ماڈل لانا چاہ رہے ہیں کہ چھوٹے علاقوں میں انڈسٹری لگے، جو انڈسٹری پاکستان سے چلی گئی تھی انہیں بھی واپس لانے کی کوشش کر رہے ہیں ، ہم غیر ملکی سرمایہ کاروں کے مسائل حل کرنے کے لئے کوشاں ہیں۔

(جاری ہے)

چینی کمپنی 3بلین ڈالر کی انوسٹمنٹ کرنا چاہ رہی ہے۔بیرون ممالک مقیم پاکستانی پاکستان میں سرمایہ کاری کرنے میں دلچسپی رکھتے ہیں ان کو سہولیات فراہم کرنے کے لیے پنجاب بورڈ آف انویسٹمنٹ اینڈ ٹریڈ کی ٹیم ہر وقت تیار ہے۔ وزیراعظم پاکستان عمران خان کے ویژن کے مطابق ہر پاکستانی کو سستے داموں گھروں کی تعمیر کے سلسلے میں مختلف کمپنیوں سے رابطے میں ہوں اور ان گھروں کی تعمیر میں استعمال ہونے والا رامیٹریل پاکستان میں ہی مینوفیکچرکیا جاے گا۔

سردار تنویر الیاس خان نے کہا کہ کام کرنے والے بھی لوکل ورکرز ہوں اس سے ان کی سکلز میں اضافہ ہو گا۔سی ای او پنجاب سرمایہ کاری بورڈ جہانزیب برہانہ نے کہا کہ چائنہ سے بھی سرمایہ کار پنجاب میں گارمنٹ سٹی بنانے جا رہے ہیں، جس سے ہماری ایکسپورٹ بڑھے گی۔