"کب تک تم چھپو گے پھولوں کی آڑ میں، کبھی تو ملو گے لنڈا بازار میں"
تحریک انصاف کی زرتاج گل اور پیپلز پارٹی کی ناز بلوچ کے درمیان دلچسپ نوک جھونک
محمد علی ہفتہ 22 جون 2019 22:22
(جاری ہے)
اس کے جواب میں وفاقی وزیر زرتاج گل نے بھی فوری اور طنزیہ جواب دیتے ہوئے کہا کہ "کب تک تم چھپو گے پھولوں کی آڑ میں، کبھی تو ملو گے لنڈا بازار میں"۔
زرتاج گل کے جواب پر ناز بلوچ غصے میں آگئیں اور وفاقی وزیر سے اپنے الفاظ واپس لینے کو کہا۔ ناز بلوچ نے کہا کہ بلوچ خواتین لنڈا بازار نہیں جاتیں۔ بعد ازاں وزیر مملکت برائے موسمیاتی تبدیلی زرتاج گل نے اپوزیشن کی تنقید کا جواب دیتے ہوئے مزید کہا ہے کہ سیاسی وفاداریاں تبدیل کرنے والوں کا راستہ روکنا چاہیے، اگر ایسا نہ کیا گیا تو مسلم لیگ (ن) کی ساری صف خالی ہو جائے گی۔ وزیراعظم عمران خان ویژنری لیڈر ہیں جنہوں نے آنے والی نسلوں کیلئے آفات سے محفوظ پاکستان بنانے کا جامع پروگرام دیا ہے۔ زرتاج گل نے کہا کہ خواجہ آصف اور خورشید احمد شاہ نے کہا کہ سیاست کے حوالے سے ضابطے ہونے چاہئیں۔ یہ اچھی بات ہے انہیں غور کرنا چاہیے کہ اگر سیاسی وفاداریاں تبدیل کرنے والوں کا راستہ نہ روکا گیا تو ان کے پیچھے والی اکثر سیٹیں خالی ہو جائیں گی۔ہم تحریک انصاف میں تھے اور رہیں گے۔ انہوں نے کہا کہ 40 سال سے پانی کے بارے میں کوئی منصوبہ بندی نہیں کی گئی۔ بھارت پانی روک کر ڈیم بناتا رہا اور یہ انہیں ساڑھیاں اور آم بھیجتے رہے۔ انہوں نے کہا کہ ہمارا وزیر خزانہ تبدیل کرنے کی بات کی گئی لیکن خود آپ نے اپنے پانچ وزراء خزانہ تبدیل کردیئے۔ پیپلز پارٹی نے تو اپنا وزیراعلیٰ بھی تبدیل کردیا تھا۔ زرتاج گل نے کہا کہ کہا گیا کہ بجٹ آئی ایم ایف کا تیار کردہ ہے لیکن آپ لوگ تو سات مرتبہ آئی ایم ایف کے پاس گئے تو کیا اس وقت یہ جائز تھا۔ انہوں نے کہا کہ 70 سالوں سے بجٹ پیش ہو رہے ہیں اور تقریریں ہو رہی ہیں لیکن پہلی دفعہ غریب دوست بجٹ پیش کیا گیا ہے۔ نوجوانوں کے لئے سو ارب روپے کا انتظام کیا ہے۔ معاشرے کے ہر طبقے کی فلاح کے لئے اقدامات اور بجٹ رکھا گیا ہے ۔ انہوں نے کہا کہ ریاست مدینہ کی بنیاد رکھنے پر وزیراعظم کو مبارکباد پیش کرتی ہوں۔ وزیر مملکت نے کہا کہ فخر ہے کہ وزیراعظم عمران خان ویژنری لیڈر ہیں‘ انہوں نے قدرتی آفات کے تدارک کے لئے جامع پروگرام دیا ہے۔ اس سلسلے میں 7.8 ارب روپے قدرتی آفات اور موسمیاتی تبدیلی سے نمٹنے کے لئے مختص کئے گئے ہیں جبکہ دس ارب روپے کا صاف و سرسبز پاکستان پروگرام بھی شروع کیا گیا ہے۔ انہوں نے کہا کہ آنے والی نسلیں یاد رکھیں گی کہ انہیں آفات سے محفوظ پاکستان دیا گیا ہے۔ انہوں نے کہا کہ پہلی مرتبہ سرائیکی علاقہ اور بلوچستان کے لوگوں کی بھی سنی گئی ہے۔ ڈیرہ غازی خان سمیت جنوبی پنجاب میں سات یونیورسٹیاں بنائی جائیں گی۔ ہر ضلع میں ایک بڑا ہسپتال تعمیر کیا جائے گا۔
مزید اہم خبریں
-
پاکستان کے ساتھ انسانی حقوق کا معاملہ اٹھاتے رہیں گے، امریکہ
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
مریم نوازوزیراعلیٰ سے ’پولیس آفیسر‘بن گئیں
-
پٹرولیم مصنوعات 7 روپے فی لیٹر سستی ہونے کا امکان
-
ڈنڈے کے فارمولے نہیں چلیں گے آئین قانون کے مطابق چلنا ہوگا
-
نوازشریف ملکی مفاد کی خاطرعمران خان سے بات چیت کیلئے تیار ہیں، رانا ثناء اللہ
-
بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری
-
سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم
-
پاکستان نے امریکی محکمہ خارجہ کی جاری کردہ انسانی حقوق سے متعلق رپورٹ مسترد کردی
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.