امریکا کو پاکستانی برآمدات میں رواں مالی سال کے دوران 5.53 فیصد اضافہ

پیر 24 جون 2019 15:01

اسلام آباد (اُردو پوائنٹ اخبارتازہ ترین - اے پی پی۔ 24 جون2019ء) رواں مالی سال کے دوران امریکا کو پاکستانی برآمدات میں گزشتہ مالی سال کے اسی عرصہ کے مقابلے میں 5.53 فیصد اضافہ ریکارڈ کیاگیا ہے۔پاکستانی برآمدات کے حوالے سے امریکا بدستورسرفہرست ہے۔

(جاری ہے)

سٹیٹ بنک آف پاکستان کے تازہ ترین اعدادوشمارکے مطابق جولائی 2018ء سے لیکر مئی 2019ء تک کے عرصہ میں امریکاکو برآمدات سے ملک کو 3.721 ارب ڈالر کازرمبادلہ حاصل ہوا جو گزشتہ مالی سال کے اسی عرصہ کے مقابلے میں 5.53 فیصد زیادہ ہے۔

گزشتہ مالی سال کے اسی عرصہ میں امریکاکو برآمدات سے پاکستان کو 3.52 ملین ڈالرکازرمبادلہ حاصل ہواتھا۔اعدادوشمارکے مطابق مئی 2019ء میں امریکاکو پاکستانی برآمدات سے ملک کو354 ملین ڈالر کازرمبادلہ حاصل ہوا جوگزشتہ سال مئی کے مقابلے میں 4.16 فیصد زیادہ ہے۔ گزشتہ سال مئی میں امریکا کو برآمدات سے ملک کو 339.85 ملین ڈالرکازرمبادلہ حاصل ہواتھا۔