حمزہ شہباز کے پروڈکشن آرڈرز کے کیخلاف احتساب عدالت کے فیصلے کو لاہور ہائیکورٹ میں چیلنج کردیا گیا

پیر 24 جون 2019 21:45

لاہور۔24 جون(اُردو پوائنٹ اخبارتازہ ترین - اے پی پی۔ 24 جون2019ء) پنجاب اسمبلی میں اپوزیشن لیڈر حمزہ شہباز کے پروڈکشن آرڈرز کے اجرا کیخلاف درخواست مسترد کرنے کے احتساب عدالت کے فیصلے کو لاہور ہائیکورٹ میں چیلنج کردیا گیا ،زبیر ڈھلوں ایڈووکیٹ نے آفتاب باجوہ ایڈووکیٹ کے توسط سے لاہور ہائیکورٹ سے رجوع کیا اور ایک درخواست دائر کی ہی. درخواست میں اعتراض اٹھایا گیا ہے کہ قانون کے تحت ملزم رکن اسمبلی کے جسمانی ریمانڈ کے دوران سپیکرپروڈکشن آرڈرز جاری نہیں کر سکتا، وکیل نے قانونی نکتہ اٹھایا کہ حمزہ شہباز جسمانی ریمانڈ پر نیب کی تحویل میں ہیں اور پروڈکشن آرڈرز کا اجراء عدالتی معاملات میں مداخلت ہے۔

(جاری ہے)