ملتان ایئرپورٹ پر جہاز لینڈنگ کے دوران پرندہ ٹکرا گیا، انجن کو شدید نقصان ہوا، مسافر محفوظ

منگل 25 جون 2019 16:05

ملتان (اُردو پوائنٹ اخبارتازہ ترین - اے پی پی۔ 25 جون2019ء) ملتان انٹر نیشنل ائیر پورٹ پردبئی سے ملتان آنے والے جہاز کی لینڈنگ کے دوران پرندہ ٹکرا گیا جس سے جہاز کے انجن کو شدید نقصان پہنچا ہے ۔

(جاری ہے)

ائیر پورٹ ذرائع کے مطابق دبئی سے ملتان آنیوالی ائیر لائن ’’فلائی دبئی‘‘ کی پروازن 325 ائیر پورٹ پر لینڈنگ کے دوران پرندہن ٹکرا گئی جس سے طیارے کا انجن شدید متاثر ہوا ہے تاہم طیارے کو بحفاظت اتار لیا گیا ہے اور جہاز میں سوار تمام مسافر محفوظ ہیں حادثے کے بعد جہاز کو ورکشاپ پہنچا دیا گیا ،جہاز کی انسپکشن و مرمت کے لیے ماہرین کی خصوصی ٹیم کل دبئی سے ملتان پہنچے گی انسپکشن ٹیم کی کلیئرنس کے بعد جہاز کو دبئی روانہ کیا جائے گا۔