لائن آف کنٹرول پر چھمب سیکٹر میں برنالہ کے علاقے میں دھماکا خیز مواد پھٹنے سے پاک فوج کے 5 جوان شہید ہو گئے،آئی ایس پی آر

بدھ 3 جولائی 2019 19:20

راولپنڈی ۔ (اُردو پوائنٹ اخبارتازہ ترین - اے پی پی۔ 03 جولائی2019ء) لائن آف کنٹرول(ایل او سی )سے چند میٹر دور چھمب سیکٹر میں برنالہ کے علاقے میں دھماکا خیز مواد پھٹنے سے پاک فوج کے 5 جوان شہید ہو گئے۔

(جاری ہے)

پاک فوج کے شعبہ تعلقات عامہ (آئی ایس پی آر) کے مطابق دھماکے میں شہید ہونے والوں کی شناخت صوبیدار محمد صادق، سپاہی محمد طیب، سپاہی زوہیب، سپاہی غلام قاسم اور نائیک شیر زمان کے ناموں سے ہوئی ہے۔ آئی ایس پی آر کے مطابق دھماکے کی نوعیت کا تعین کیا جا رہا ہے۔ بھارت دوطرفہ سیز فائر معاہدے اور بین الاقوامی قواعد کی خلاف ورزی کر رہا ہے، واقعہ بھارت کی جانب سے ریاستی حمایت یافتہ دہشت گردی کا ثبوت ہے۔