بیرون کشمیریوں نے مسئلہ کشمیر کو زندہ رکھنے اور اجاگر کرنے میں اہم اور کلیدی کردار ادا کیا ہے،بیرسٹر سلطان محمود

بدھ 3 جولائی 2019 21:14

اسلام آباد(اُردو پوائنٹ اخبارتازہ ترین - آن لائن۔ 03 جولائی2019ء) آزاد کشمیر کے سابق وزیر اعظم وپی ٹی آئی کشمیر کے سابق صدرکشمیر بیرسٹر سلطان محمود چوہدری نے کہا ہے کہ بیرون کشمیریوں نے مسئلہ کشمیر کو زندہ رکھنے اور اجاگر کرنے میں بڑا اہم اور کلیدی کردار ادا کیا ہے اب جبکہ پھر بھارت مسئلہ کشمیر کو ختم کرنے کے لئے اپنی اور اپنے ساتھیوں کی لابی استعمال کر رہا ہے یہاں تک کہ مقبوضہ کشمیر میں ہونے والے مظالم اور بربریت پر اقوام متحدہ کی رپورٹ شائع کرنے پر بھی پابندی کی بات کی جا رہی ہے۔

(جاری ہے)

ان حالات میں بیرون ملک کشمیریوں کی ذمہ داریوں میں مزید اضافہ ہو جائے کہ وہ ہر سطح اور فورم پر مسئلہ کشمیر کو اجاگر کریں۔ ان خیالات کا اظہار انھوں نے آج یہان پی ٹی آئی کشمیر کے مرکزی سیکریٹریٹ اسلام آباد میں فرینڈز آف کشمیر کی چئیرپرسن غزالہ حبیب سے ایک تفصیلی ملاقات میں کیا۔اس موقع پر فرینڈز آف کشمیر کی چئیرپرسن غزالہ حبیب نے بیرسٹر سلطان محمود چوہدری کو رواں سال ستمبر میں ڈالاس کے دورے کی دعوت دی جو بیرسٹر سلطان محمود چوہدری نے قبول کرلی اور کہا کہ جب وہ ستمبر میں امریکہ آئیں گے تو ڈالاس کا بھی دورہء کریں گے اور وہاں پر سینیٹرز اور کانگریس مین سے ملاقاتیں کرکے مسئلہ کشمیر کے حل پر زور دیں گے۔***