Live Updates

میجر جنرل آصف غفور نے بھارتی شہری کو کرارا جواب دے دیا

بھارتی شہری نے آئی سی سی ورلڈ کپ کو لے کر پاکستان پر طنز کیا تھا

Sumaira Faqir Hussain سمیرا فقیرحسین ہفتہ جولائی 11:12

میجر جنرل آصف غفور نے بھارتی شہری کو کرارا جواب دے دیا
راولپنڈی (اُردو پوائنٹ تازہ ترین اخبار۔ 06 جولائی 2019ء) : ڈی جی آئی ایس پی آر میجر جنرل آصف غفور نے آئی سی سی ورلڈ کپ 2019ء کو بنیاد بنا کر پاکستان پر طنز کرنے والے اسپیشل فورس کے افسر اور بی جے پی رہنما کو کرارا جواب دے دیا ۔ تفصیلات کے مطابق مائیکروبلاگنگ ویب سائٹ ٹویٹر پر اپنے پیغام میں اسپیشل فورس کے افسر اور بی جے پی کے رہنما میجر سریندرا پونیا کا کہنا تھا کہ پاکستان کو آئی سی سی ورلڈ کپ 2019ء میں پانچویں پوزیشن پر آنے پر مبارک ہو۔

ہمارے ہیرو ونگ کمانڈر ابھی نندن اپنا چائے کا کپ میجر جنرل آصف غفور کے دفتر میں ہی چھوڑ آئے تھے۔ برائے مہربانی اُسے اُٹھائیں اور جشن منائیں۔
جس پر ڈی جی آئی ایس پی آر میجر جنرل آصف غفور نے اپنے ذاتی ٹویٹر اکاؤنٹ سے انہیں کرارا جواب دیتے ہوئے کہا کہ ورلڈ کپ 2019ء کے لیے آپ کو گُڈ لک۔

(جاری ہے)

ہم کھیل کا دوسری چیزوں بالخصوص تنازعات اور لڑائیوں کے ساتھ موازنہ نہیں کرتے۔

ہم پاکستانیوں کے دل بہت بڑے ہیں اور اس معاملے میں آپ ابھی نندن سے پوچھ سکتے ہیں۔ لیکن آپ اسے سمجھنے سے قاصر ہی رہیں گے کیونکہ یہ بات سمجھنے کے لیے اخلاقیات کی ضرورت ہوتی ہے۔ اور جی ہاں چائے کا کپ ہمارے پاس ہی ہے۔ اس کے علاوہ ہمارے پاس آپ کے مگ 21 کا ملبہ اور اور بھی بہت کچھ ہے۔
میجر جنرل آصف غفور کے اس جواب پر ٹویٹر صارفین نے بھی ان کی تعریف کی اور کہا کہ بھارت ابھی تک یہی سوچ رہا ہے کہ آخر سرپرائز ڈے پر ان کے ساتھ ہوا کیا تھا۔

ایک خاتون صارف نے کہا کہ آپ کا ابھی نندن اپنا مگ 21 بھی چھوڑ گیا تھا۔
ایک صارف نے پاکستان کی بھارت کے خلاف کارروائی کی تصویر شئیر کرتے ہوئے کہا کہ ہمارے لیے یہی ہمارا ورلڈ کپ 2019ء ہے۔
ڈیجیٹل پاکستان کی بنیاد سے متعلق تازہ ترین معلومات