بھارتی نوجوان غلط مردہ قرار دئیے جانے کے بعد دفن ہونے سے بال بال بچ گیا
امین اکبر ہفتہ 6 جولائی 2019 23:58
لکھنؤ ، بھارت سے تعلق رکھنے والے محمد فرقان ایک پرائیویٹ ہسپتال میں داخل تھے، جہاں ڈاکٹروں نے انہیں غلط طور پر مردہ قرار دے دیا، جس کے بعد یہ زندہ دفن ہونے سے بال بال بچے۔
محمد فرقان نامی نوجوان 21 جون کو حادثے کا شکار ہوئے، جس کے بعد انہیں علاج کے لیے پرائیویٹ ہسپتال لے جایا گیا۔ جب محمد فرقان کے خاندان والوں نے ہسپتال کو بتایا کہ وہ اپنی ساری جمع پونجی ہسپتال کے بلوں کی مد میں ادا کر چکے ہیں اور فی الحال مزید رقم کا بندوبست نہیں کر سکتے تو ہسپتال نے محمد فرقان کو مردہ قرار دے دیا۔
مردہ قرار دئیے جانے کے بعد فرقان کے خاندان والے ان کی تدفین کا بندوبست کرنے لگے۔ جب فرقان کو ایمبولینس سے گھر لایا گیا تو فرقان کے بڑے بھائی یہ دیکھ کر حیران رہ گئے کہ اُن کے ہاتھ پاؤں ابھی بھی حرکت کر رہے ہیں۔
(جاری ہے)
فرقان کے بھائی نے گھر کے دوسرے افراد کو بتایا۔ فرقان کو فوراً دوسرے ہسپتال لے جایا گیا، جہاں ڈاکٹروں نے تصدیق کی کہ وہ ابھی بھی زندہ ہیں۔
فرقان کے بھائی محمد عرفان نے بتایا کہ وہ اپنے بھائی کی تدفین کی تیاری کر رہے تھے،جب انہوں نے ان کے اعضا میں حرکت دیکھی۔ عرفان نےبتایا کہ وہ اپنے بھائی کو فوراً رام منوہر لوہیا ہسپتال لے گئے، جہاں ڈاکٹروں نے اُن کی زندگی کی تصدیق کی اور انہیں وینٹی لیٹر سپورٹ پر منتقل کر دیا۔
عرفان نے بتایا کہ انہوں نے پرائیویٹ ہسپتال کو 7 لاکھ بھارتی رو پے(10 ہزار ڈالر) دئیے تھے۔جب عرفان نے ہسپتال انتظامیہ کو بتایا کہ اُن کے پاس اب پیسے کم رہ گئے ہیں تو انتظامیہ نے فرقان کو مردہ قرار دے دیا۔
رام منوہر لوہیا ہسپتال کے ڈاکٹروں نے بتایا کہ فرقان کی حالت کافی تشویشناک ہے لیکن وہ زندہ ہیں، اُن کی نبض چل رہی ہے اور اُنکا بلڈ پریشر بھی لیا جا سکتا ہے۔
اس انوکھے کیس نے بھارتی میڈیا کی توجہ بھی اپنی طرف مبذول کرا لی ہے۔ اب مقامی حکام نے تفتیش شروع کر دی ہے کہ پرائیویٹ ہسپتال کس طرح سے معاملات کو دیکھتے ہیں۔
متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.