ٴمجھے دھرما پروڈکشن سمیت بالی ووڈ کے بڑے پروڈکشن ہاؤسزکی جانب سے فلموں کی آفرز ہوئی ، عائزہ خان

جب میں نے اپنا کیریئر شروع کیا تو مجھے بلکل بھی اندازہ نہیں تھا کہ میں آج اپنی مقبولیت کو اس طرح انجوائے کروں گی۔ مجھے خوشی ہے کہ لوگ مجھ سے محبت کرتے ہیں ، اداکارہ و ماڈل

پیر 8 جولائی 2019 22:51

کراچی(اُردو پوائنٹ اخبارتازہ ترین - آن لائن۔ 08 جولائی2019ء) معروف ماڈل و اداکارہ عائزہ خان کا کہنا ہے کہ مجھے دھرما پروڈکشن سمیت بالی ووڈ کے بڑے پروڈکشن ہاؤسزکی جانب سے فلموں کی آفرز ہوئی ہیں۔عائزہ خان نے ایک ویب سائٹ کو انٹرویو میں بتایا کہ جب میں نے اپنا کیریئر شروع کیا تو مجھے بلکل بھی اندازہ نہیں تھا کہ میں آج اپنی مقبولیت کو اس طرح انجوائے کروں گی۔

مجھے خوشی ہے کہ لوگ مجھ سے محبت کرتے ہیں اور یہ دیکھ کر بھی مجھے خوشی ہوتی ہے کہ ا?ج بہت سی لڑکیوں کے لئے میں ایک مشعل راہ ہوں، لوگ میرا ہیر اسٹائل ،میک اپ، لباس اور یہاں تک کہ اپنی بیٹیوں کا نام میرے نام پر رکھتے ہیں۔عائزہ خان نے پاکستانی فلموں میں کام کرنے سے متعلق بتایا کہ میں نے ڈراموں کے ساتھ اپنے لئے تمام راستے کھلے رکھے ہیں۔

(جاری ہے)

اور جہاں تک بات فلم نہ کرنے کی ہے تو اٴْس کی اصل وجہ بہترین اسکرپٹ ہے جس کا مجھے انتظار ہے، میں ایسے اسکرپٹ کی تلاش میں ہوں جہاں میں آسانی سے فٹ ہو سکوں، میں خود بھی فلم کرنا چاہتی ہوں اور اگر مجھے اچھی فلم کی آفر ہوئی تو میں ضرور سائن کرلوں گی۔عائزہ خان نے بالی ووڈ میں کام کی آفر کے حوالے سے لب کشائی کرتے ہوئے کہا کہ میرے لئے خوشی کی بات ہے کہ مجھے بالی ووڈ کے بڑے بڑے پروڈکش ہاؤسز کی جانب سے فلموں میں کام کرنے کی ا?فرز بھی ہوئیں جس میں کرن جوہر کا دھرما پروڈکشن ہاؤس بھی ایک ہے۔

اداکارہ نے یہ بھی کہا کہ حتمی طور پر کوئی فیصلہ نہ ہونے کی وجہ سے بالی ووڈ کی ا?فر کا چرچہ میں نے کبھی نہیں کیا۔ لیکن جب بھی موقع ملا تو میں ضرور فلم کرنا پسند کروں گی لیکن اس میں میری شرائط اور اخلاقی اقدار کی حدود شامل ہوں گی۔ کیوں کہ بطور اداکارہ اور پاکستانی ہونے کی وجہ سے فخر کی بات ہے کہ دنیا بھر میں لوگ ہمارے کام کو سہرا رہے ہیں۔