شمالی یونان میں شدید طوفان سے پانچ غیر ملکی سیاح ہلاک ہو گئے

جمعرات 11 جولائی 2019 15:39

ایتھنز (اُردو پوائنٹ اخبارتازہ ترین - اے پی پی۔ 11 جولائی2019ء) شمالی یونان میںشدید طوفان سے پانچ غیر ملکی سیاح ہلاک ہوگئے۔ پولیس کے مطابق جمہوریہ چیک سے سیاحت کے لئے آیا ہوا ایک جوڑا تیز طوفانی ہوائوں کے زد میں آکر ہلاک ہوا ۔ایک دوسرے واقعہ میں ایک روسی سیاح اور اس کا بیٹا درخت گرنے سے ہلاک ہوا ۔

(جاری ہے)

طوفان کے باعث رومانیہ کی ایک خاتون ایک عمارت کا ڈھانچہ گرنے سے ہلا ک ہوئی۔ امدادی کارکنوں نے اس کی لاش ملبہ سے باہر نکالی ۔ شہر ی تحفظ کے وزیر میکالس چریسوائیڈس نے متاثرہ علاقوں کا دورہ کیا اور امدادی کاموں کا جائزہ لیا ۔ انہوں نے طوفان سے شدید متاثرہ علاقوں کو آفت زدہ قراردیا اور ہنگامی بنیادوں پر امدادی کارروائیوں کی ہدایت کی۔