سینیٹ چیئرمین کیلئےماضی کا رویہ دہرایا گیا توحساب لیں گے، بلاول بھٹو
امید ہے کہ سینیٹ کےالیکشن صاف و شفاف ہوں گے، حکومت اپنا رویہ درست کرے، حاصل بزنجو کی بطور چیئرمین سینیٹ نامزدگی کی توثیق کرتا ہوں۔ چیئرمین پیپلزپارٹی بلاول بھٹو زرداری کی میڈیا سے گفتگو
ثنااللہ ناگرہ جمعرات 11 جولائی 2019 19:33
(جاری ہے)
پنجاب، خیبر پختونخوا اور سندھ کو پیسے کم دیے جا رہے ہیں۔ این ایف سی ایوارڈ کے حصے پر اسلام آباد میں بیٹھا کٹھ پتلی قابض ہے۔
انہوں نے کہا کہ صادق سنجرانی کو اخلاقی طور پر استعفیٰ دینا چاہیے کیونکہ وہ ہمارا اعتماد کھوچکے ہیں۔ صادق سنجرانی ہماری حمایت سے چیئرمین سینیٹ منتخب ہوئے تھے۔ اب اپوزیشن تبدیل ہوگئی اس لیے وہ بھی تبدیل ہونگے۔ حکومت اپنا رویہ درست کرے۔ سینیٹ چیئرمین سے متعلق ماضی کا رویہ دہرایا گیا تو حساب لیں گے۔ ہم امید کرتے ہیں کہ سینیٹ کے الیکشن صاف و شفاف ہونگے۔ انہوں نے کہا کہ اپوزیشن جماعتوں نے رہبرکمیٹی میں حاصل بزنجوکو چیئرمین سینیٹ کے لیے نامزد کیا۔ حاصل بزنجو کی بطور چیئرمین سینیٹ نامزدگی کی توثیق کرتا ہوں۔ اس سے قبل چیئرمین پی پی بلاول بھٹو زرداری نے سکھر میں عوامی اجتماع سے خطاب کرتے ہوئے کہا کہ سندھ حکومت اور پیپلزپارٹی کا غربت مٹاوپروگرام پورے سندھ میں پھیل رہا ہے۔ جوکہتے پیپلزپارٹی کچھ نہیں کرتی، ان کو میرا جواب سندھ کی خواتین ہیں جو اپنے پاؤں پر کھڑی ہیں۔ انہوں نے کہا کہ بینظیرانکم سپورٹ پروگرام پاکستان کی حکومت نے شروع کیا۔ پوری دنیا تسلیم کررہی ہے کہ سندھ کی خواتین سب سے آگے ہیں۔ بلاول بھٹو زرداری نے کہا کہ آئی ایم ایف نے بھی کہا کہ بینظیرانکم سپورٹ پروگرام ختم نہیں کرنے دیں۔ ینظیرانکم سپورٹ پروگرام ختم کرنے کی ان کی کوشش ہوگی لیکن عوام ان کو ایسا نہیں کرنے دینگے۔ بلاول بھٹو نے شرکاء سے کہا کہ آپ کو لگتا ہے حکومت کو خواتین، بچوں اور مردوں کا احساس ہے؟ انہوں نے کہا کہ ہماری حکومت نے ایک لاکھ 80 ہزار خواتین کو بلا سود قرضے دیے ہیں۔ سندھ میں 50 ہزار خواتین کو ووکیشنل ٹریننگ دی گئی ہے۔ بلاول بھٹوزرداری نے کہا کہ گھوٹکی کے غریب عوام کو اپنے پاؤں پر کھڑا کرنے کیلئے فنڈز دیں گے۔ سندھ حکومت نے10 لاکھ گھرانوں کو سہولتیں فراہم کی۔ بلاول بھٹو نے کہا کہ شہید بھٹو نے بھی ان پاکستانیوں کو زمین دلوائی تھی جو اپنی زندگی میں کبھی زمین کے مالک نہیں بنے۔ انہوں نے کہا کہ شہید بھٹو نے ملک بھر میں نوجوانواں کو روزگار دیا۔ بینظیر کے دور میں مشہور تھا، بینظیر آئے گی روزگار لائے گی۔ خیبرسے کراچی تک لیڈی ہیلتھ ورکرز کام کررہی ہیں۔ خواتین کی معاشی زندگی میں بہتری لانے کی کوشش کریں گے۔ بلاول بھٹو زرداری نے کہا کہ سندھ میں اگلی حکومت بھی پیپلزپارٹی کی ہوگی۔ سندھ کے مستقبل کیلئے مل کرکام کرنے کی ضرورت ہے۔ بلاول نے کہا کہ مل کر کام کریں گے تو تمام شعبوں میں بہتری لا سکیں گے۔ جب ملکر کام کریں گے تو ایک اور انقلاب آئے تو ہم سندھ کی معیشت کو بہتر کریں گے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.