رحیم یارخان میں اکبرایکسپریس ٹرین حادثہ افسوسناک سانحہ ہے، شمس الرحمن سواتی

شیخ رشید احمد اپنی نااہلی کا ملبہ عملے پرڈالنے کی بجائے اپنی ذمہ داریاں پوری کریں،صدرنیشنل لیبرفیڈریشن پاکستان

جمعہ 12 جولائی 2019 00:02

رحیم یارخان میں اکبرایکسپریس ٹرین حادثہ افسوسناک سانحہ ہے، شمس الرحمن ..

راولپنڈی (اُردو پوائنٹ اخبارتازہ ترین - آن لائن۔ 11 جولائی2019ء) صدر نیشنل لیبرفیڈریشن پاکستان شمس الرحمن سواتی نے کہاہے کہ رحیم یارخان میں اکبرایکسپریس ٹرین حادثہ افسوسناک سانحہ ہے شہداء کے لواحقین سے اظہارتعزیت اورزخمیوں کی جلد صحتیابی کیلئے دعاگوہیں ،وزیرریلوے شیخ رشید احمد اپنی نااہلی کا ملبہ ڈرائیواورعملے پرڈالنے کی بجائے اپنی ذمہ داریاں پوری کریں محکمہ ریلوے کانظام درست کرنے کی بجائے نئے ناموں سے پرانی ٹرینوں کے افتتاح کرکے میڈیا میں وقتی پوائنٹ اسکورنگ توکی جاسکتی ہے لیکن یہ عوام کے ساتھ ظلم ہے ۔

(جاری ہے)

ولہارریلوے اسٹیشن پراندوہناک حادثے پراپنے ردعمل میں مزد وررہنما نے کہاکہ چئیرمین ریلوے بھی ڈرائیو رکی بجائے آپریشن سسٹم کی ناکامی کی بات کررہے ہیں ایسے حالات میں وفاقی وزیراپنی نااہلی تسلیم کرنے کی بجائے سابقہ ادوارکے حادثوں کے موقع پر وزیرریلوے سے مستعفی ہونے کے مطالبوں کواپنی ذات پرنافذ کرنے کیلئے کیوں تیارنہیں ہیں،شیخ رشید کووزات سے چمٹنے کی بجائے گھرجانا چاہیے۔