آصف علی زر داری سے ان کے بچے (آج)تین بجے ملاقات کرینگے ، عدالت نے اجازت دیدی

آصف علی زرداری کی اپنی بیٹی آصفہ بھٹو زرداری سے ملاقات ایک گھنٹہ تک رہی، راجہ پرویز اشرف بھی موجود تھے

پیر 15 جولائی 2019 14:40

ْ اسلام آباد (اُردو پوائنٹ اخبارتازہ ترین - این این آئی۔ 15 جولائی2019ء) اسلام آباد کی احتساب عدالت نے سابق صدر آصف علی زرداری کو بیٹی آصفہ بھٹو زرداری سے ملاقات کی اجازت دیدی۔ پیر کو سابق صدر آصف علی زرداری کو احتساب عدالت نمبر ایک کے جج محمد بشیر کے روبرو پیش کیا گیا ۔ دور ان سماعت وکیل لطیف کھوسہ کی جانب سے عدالت میں درخواست دائر کر دی گئی جس میں استدعا کی گئی کہ آصفہ بھٹو کو آصف زرداری سے ملاقات کی اجازت دی جائے۔

(جاری ہے)

جج محمد بشیر نے کہاکہ کیا کیا جائے ملنے کی اجازت دے دیں یا نہیں۔جج بشیر نے کہاکہ آصفہ بھٹو آئی ہوئی ہیں تو آصف زر داری سے مل لیں جس پر لطیف کھوسہ نے کہا کہ (آج) منگل کو بھی ملاقات کی اجازت ہونی چاہیے جس کے بعد عدالت نے سابق صدر آصف علی زرداری کو (آج) منگل کو 3 بجے بچوں سے ملنے کی اجازت دیدی۔عدالت میں آصف علی زرداری نے اپنی بیٹی آصفہ بھٹو زرداری سے ملاقات کی ،آصف زرداری اور آصفہ زرداری کی ملاقات ایک گھنٹہ تک رہی،ملاقات میں سابق وزیر اعظم راجہ پرویز اشرف بھی موجود تھے