انگلینڈ میں منعقدہ آئی سی سی ورلڈ کپ کے 12ویں ایڈیشن میں بھارت کے روہت شرما 648 رنز بناکر سرفہرست

آسٹریلوی اوپنر ڈیوڈ وارنر 647 رنز بناکر دوسرے نمبر ،بنگلہ دیشی اسٹار شکیب الحسن 606 رنز بناکر تیسرے نمبر پر ہیں، رپورٹ

پیر 15 جولائی 2019 16:20

لندن(اُردو پوائنٹ اخبارتازہ ترین - این این آئی۔ 15 جولائی2019ء) انگلینڈ میں منعقدہ آئی سی سی ورلڈ کپ کے 12ویں ایڈیشن میں بھارت کے روہت شرما 648 رنز بناکر سرفہرست ہیں۔ورلڈ کپ کے 12ویں ایڈیشن میں آسٹریلوی اوپنر ڈیوڈ وارنر 647 رنز بناکر دوسرے نمبر پر ہیں جبکہ بنگلہ دیشی اسٹار شکیب الحسن 606 رنز بناکر تیسرے نمبر پر ہیں،کین ولیمسن (578)چوتھے،جوئے روٹ (556) پانچویں، جونی بیئراسٹو(532) چھٹے نمبر پر براجمان ہیں، آرون فنچ 507 رنز جوڑ کر ساتویں پوزیشن پر براجمان ہیں، پاکستان کے بابراعظم 474 رنز بناکر آٹھویں جبکہ انگلش آل راؤنڈر بین اسٹوکس نے فائنل میں 84 رنز ناٹ آؤٹ کی بدولت نویں پوزیشن پر قبضہ جمالیا، جیسن روئے 443رنز جوڑ کر ٹاپ ٹین کے آخری شریک بنے ہیں، اسی طرح بھارتی کپتان ویرات کوہلی بھی 443 رنز بناکر گیارہویں نمبر پر موجود ہیں۔

(جاری ہے)

دوسری جانب بولنگ چارٹ میں آسٹریلیا کے مچل اسٹارک27 وکٹیں لیکر سب سے کامیاب رہے، نیوزی لینڈ کے پیسر لوکی فرگوسن نے 21 شکاروں کے ساتھ دوسری پوزیشن بنالی، انگلش پیسر جوفرا آرچر اور بنگلہ دیشی فاسٹ بولر مستفیض الرحمان نے یکساں طور پر 20 ،20 وکٹیں اپنے نام کررکھی ہیں، بھارت کے جسپریت بمرا اور انگلینڈ کے مارک ووڈ نے یکساں طور پر 18،18 وکٹیں حاصل کیں۔پاکستانی پیسر محمد عامر17 اور کیوی بولر ٹرینٹ بولٹ17 وکٹیں اڑانے میں کامیاب رہے، پاکستان کے جواں سال بولر شاہین آفریدی16 شکارکیے، اسی طرح انگلش پیسر کرس ووئکس کو بھی 16 وکٹیں ملیں