سپیکر اسد قیصر نے اپوزیشن کی ریکوزیشن پر (کل) ہونے والے اجلاس کیلئے پروڈکشن آرڈر جاری نہ کرنے کا فیصلہ کرلیا

پیر 15 جولائی 2019 20:04

اسلام آباد (اُردو پوائنٹ اخبارتازہ ترین - این این آئی۔ 15 جولائی2019ء) اسپیکر اسد قیصر نے اپوزیشن کی ریکوزیشن پر (کل) منگل کو ہونے والے اجلاس کے لئے پروڈکشن آرڈر جاری نہ کرنے کا اصولی فیصلہ کرلیا ۔ذرائع کے مطابق اسپیکر کی جانب سے پروڈکشن آرڈر جاری نہ کرنے کی صورت میں اپوزیشن کی جانب سے شدید احتجاج پر غور کیا گیا ۔

(جاری ہے)

ذرائع کے مطابق وزیر اعظم عمران خان ایوان اور کابینہ اجلاس میں پروڈکشن آرڈر کے اجرا پر تحفظات کا اظہار کرچکے ہیں۔

یاد رہے کہ آصف زرداری اور خواجہ سعد رفیق نیب تحویل میں ہیں ،رانا ثناء اللہ ہیروئن برآمدگی کیس میں جیل میں ہیں ،فاٹا سے تعلق رکھنے والے علی وزیر اور محسن داوڑ بھی گرفتار ہیں ۔ پارلیمانی ذرائع کے مطابق پروڈکشن آرڈر جاری کرنے کا اختیار اسپیکر کے پاس ہے۔