علامہ اقبال اوپن یونیورسٹی نے بی ایس )فیس ٹو فیس(،ْ ایم فل اور پی ایچ ڈی پروگرامز کے داخلے آن لائن کردیے

اسلام آباد (اُردو پوائنٹ اخبارتازہ ترین - اے پی پی۔ 17 جولائی2019ء) علامہ اقبال اوپن یونیورسٹی نے بی ایس )فیس ٹو فیس(،ْ ایم فل اور پی ایچ ڈی پروگرامز کے داخلے آن لائن کردیے ،ْ داخلہ فارمز اور پراسپکٹس یونیورسٹی کی ویب سائٹ پرفراہم کردیے گئے ہیں ،داخلوں کے خواہشمند ایسے امیدوار جن کے پاس انٹرنیٹ کی سہولت موجود نہیں اُن کے لئے وائس چانسلر پروفیسر ڈاکٹر ضیاء القیوم نے ریجنل دفاتر کو ہدایات جاری کردی ہیں کہ وہ اِن طلبہ کی سہولت کے لئے اپنے کیمپسز میں سٹوڈنٹ سپورٹ ڈسکس قائم کریں جہاں پر انٹرنیٹ اور کمپیوٹر کی سہولتیں موجود ہوں۔

طلبہ کو فارم آن لائن پُر کرکے چالان فارم کا پرنٹ لے کر اس پر پرنٹ شدہ/- 500روپے پراسسنگ فیس مسلم کمرشل بینک یا الائیڈ بینک کی کسی بھی برانچ میں جمع کراکے تفصیلات یونیورسٹی ویب پر اپ لوڈ کرنا ہوں گی، یونیورسٹی کو طلبہ اور بینکوں کی جانب سے جمع شدہ پراسسنگ فیس کی وصولی کی اطلاع فوری طور پرملا کرے گی، داخلے کے منتخب امیدواروں کو پہلے سمسٹر کی فیس جمع کرانے کی اطلاع بذریعہ ایس ایم ایس یا ای میل دی جائے گی۔

(جاری ہے)

منتخب امیدوار داخلہ فیس مجوزہ طریقہ کار کے مطابق ایم سی بی اور الائیڈ بینک میں جمع کراکے داخلہ فارم کی پرنٹ کاپی کے ساتھ چالان اور اپنی اسناد و ڈگریوں کی تصدیق شدہ کاپیاں لگاکر یونیورسٹی کو ارسال کریں گے۔میٹرک اور ایف اے پروگرامز کے داخلے پہلے سے رائج مینول نظام کے تحت ہورہے ہیں ، طلبہ کو داخلہ فارم پر گروپ کے مطابق چار ہندسوں کا پروگرام کوڈ ایڈمشن فارم کے متعلقہ خانوں میں لازمی لکھنے کی خصوصی تاکید کی گئی ہے ،ْمیٹرک اور ایف پروگرامز کے پہلے تین سمسٹر کے تمام مضامین لازمی ہیں جبکہ چوتھے سمسٹر کے تمام مضامین اختیاری ہیں۔

میٹرک اور ایف اے پروگرامز میں داخلے کے خواہشمند افراد کو یہ بھی تاکید کی گئی ہے کہ داخلہ فیس بنک میں جمع کروانے سے پہلے اس بات کی تسلی کرلیں کہ فیس متعلقہ پروگرام/کورسسز کے حساب سے جمع کروارہے ہیں کیونکہ کم فیس جمع ہونے کی صورت میں داخلہ نہیں ہوگا۔