چمڑے کے ملبوسات کی ملکی برآمدات میں مئی 2019ء کے دوران 16.18 فیصد اضافہ

بدھ 17 جولائی 2019 20:43

کراچی (اُردو پوائنٹ اخبارتازہ ترین - این این آئی۔ 17 جولائی2019ء) چمڑے کے ملبوسات کی ملکی برآمدات میں مئی 2019ء کے دوران 16.18 فیصد اضافہ ہوا ہے۔ادارہ برائے شماریات پاکستان کے اعداد و شمار کے مطابق مئی 2019ء میں لیدر گارمنٹس کی برآمدات 3.2 ارب روپے تک بڑھ گئیں جبکہ اپریل 2019ء کے دوران برآمدات کا حجم 2.8 ارب روپے رہا تھا۔

(جاری ہے)

اس طرح اپریل 2019ء کے مقابلہ میں مئی 2019ء کے دوران چمڑے کے ملبوسات کی قومی برآمدات میں 40 کروڑ روپے یعنی 16 فیصد سے زائد کا اضافہ ریکارڈ کیا گیا ہے۔