چیئرمین ٹیوٹا حافظ نے عہدے سے استعفیٰ دیدیا

حافظ فرحت عباس نے کام میں مداخلت کے باعث استعفیٰ دیا ‘ ذرائع

جمعرات جولائی 13:01

چیئرمین ٹیوٹا حافظ نے عہدے سے استعفیٰ دیدیا
لاہور(اُردو پوائنٹ اخبارتازہ ترین - این این آئی۔ 18 جولائی2019ء) چیئرمین پنجاب ٹیکنیکل اینڈ ووکیشنل ٹریننگ انسٹی ٹیوٹ (ٹیوٹا) حافظ فرحت عباس نے عہدے سے استعفیٰ دیدیا ، ذرائع کے مطابق چیئر مین ٹیوٹا نے کام میں مداخلت کے باعث استعفیٰ دیا ۔

(جاری ہے)

چیئرمین ٹیوٹا حافظ فرحت عباس نے عہدے سے اپنا تحریری استعفیٰ وزیر اعلیٰ پنجاب سردار عثمان بزدار کو ارسال کر دیا ہے ۔

ذرائع کے حوالے سے بتایا گیا ہے کہ حافظ فرحت عباس نے ایک صوبائی وزیر کی مداخلت بارے وزیر اعلی پنجاب کومتعدد بار شکایت کی تھی ۔حافظ فرحت عباس نے سی او او اختر بھروانہ کو تبدیل کر کے 20ویں گریڈ کے افسر شوکت علی کو نیا سی او او لگایا تھا تاہم صوبائی وزیر نے اختر بھروانہ کو بطور سی او او بحال کر دیا جس پر فرحت عباس کو تحفظات تھے ۔