ملکی کرنسی مارکیٹوں میں امریکی ڈالر کی قدر میں ایک بار پھراضافے کا رجحان

کراچی (اُردو پوائنٹ اخبارتازہ ترین - این این آئی۔ 18 جولائی2019ء) ملکی کرنسی مارکیٹوں میں جمعرات کوروپے کے مقابلے میں امریکی ڈالر کی قدر میں ایک بار پھراضافے کا رجحان دیکھا گیا۔انٹربینک مارکیٹ میںروپے کے مقابلے میں28 پیسے جبکہ اوپن مارکیٹ میں ڈالر کی قیمت خریدمیں50پیسے کااضافہ اور قیمت فروخت میںاستحکام رہا۔فاریکس ایسوسی ایشن آف پاکستان کے جاری کردہ اعدادوشمار کے مطابق جمعرات کوانٹربینک مارکیٹ میں روپے کے مقابلے میں ڈالر کی قیمت میں28پیسے کااضافہ ریکارڈ کیاگیا،جس کے نتیجے میں امریکی ڈالر کی قیمت خرید159.78روپے سے بڑھ کر160.06روپے اورقیمت فروخت159.88روپے سے بڑھ کر160.16روپے ہوگئی۔

اوپن کرنسی مارکیٹ میںپاکستانی روپے کے مقابلے میںامریکی ڈالرکی قیمت خریدمیں50پیسے اورقیمت فروخت میںاستحکام رہا،جس کے نتیجے میں امریکی ڈالر کی قیمت خرید159.30روپے سے بڑھ کر159.80روپے اورقیمت فروخت160.30روپے پرمستحکم رہی ۔

(جاری ہے)

یوروکی قیمت خریدمیں20پیسے کااضافہ اور قیمت فروخت میں20پیسے کی کمی جبکہ برطانوی پائونڈ کی قیمت میں80پیسے کااضافہ ریکارڈ کیاگیا،جس کے نتیجے میں باالترتیب یوروکی قیمت خرید178.80روپے سے بڑھ کر179.00روپے اورقیمت فروخت181.20روپے سے گھٹ 181.00روپے جبکہ برطانوی پائونڈکی قیمت خرید198.20روپے سے بڑھ کر199.00روپے اورقیمت فروخت200.20روپے سے بڑھ کر201.00روپے ہوگئی ۔

فاریکس رپورٹ کے مطابق سعودی ریال کی قیمت میںاستحکام جبکہ یواے ای درہم کی قیمت میں10پیسے کااضافہ ریکارڈ کیا گیا ،جس کے نتیجے میں باالترتیب سعودی ریال کی قیمت خرید42.50 روپے اورقیمت فروخت43.00روپے پرمستحکم جبکہ یواے ای درہم کی قیمت خرید43.40روپے سے بڑھ کر43.50روپے اورقیمت فروخت میں43.90روپے سے بڑھ کر44.00روپے ہوگئی۔جمعرات کوچینی یوآن کی قیمت میںاستحکام رہا،جس کے نتیجے میں چینی یوآن کی قیمت21.50روپے اور قیمت فروخت23.00روپے پرمستحکم رہی۔