وزیراعظم کے دورہ امریکہ انتظامات کا جائزہ لینے شاہ محمود قریشی امریکہ روانہ

پاکستانی سفارتخانہ وزیر خارجہ کو وزیراعظم کے دورے کے انتظامات پر بریفنگ دے گا

جمعرات 18 جولائی 2019 20:26

وزیراعظم کے دورہ امریکہ انتظامات کا جائزہ لینے شاہ محمود قریشی امریکہ ..

اسلام آباد(اُردو پوائنٹ اخبارتازہ ترین - آن لائن۔ 18 جولائی2019ء) وزیر خارجہ شاہ محمود قریشی وزیراعظم عمران خان کے دورہ امریکہ کے انتظامات کا جائزہ لینے واشنگٹن روانہ ہو گئے ہیں۔وزارت خارجہ کے اعلی حکام بھی شاہ محمود قریشی کے ساتھ دورہ امریکہ میں شامل ہیں۔دورے کے دوران پاکستانی سفارتخانہ، وزیر خارجہ کو وزیراعظم کے دورے کے انتظامات پر بریفنگ دے گا۔

یاد رہے کہ وزیراعظم عمران خان 21 سے 23 جولائی تک امریکہ کا دورہ کریں گے۔ حکومت میں آنے کے بعد عمران خان کا یہ پہلا دورہ امریکہ ہے۔

(جاری ہے)

وزیراعظم امریکہ کے دورے کے دوران کانگریس کے اعلی حکام سے ملاقاتیں کریں گے اور 22 جولائی کو امریکی صدر ڈونلڈ ٹرمپ سے ان کی ملاقات طے ہے۔عمران خان دورہ امریکہ کے دوران نئے پاکستان کے نظریے کو بھی اجاگر کریں گے۔وزیراعظم خطے میں امن و سلامتی کی ترویج کے لیے پاکستان کی جانب سے کی جانے والی کوششوں کو بھی نمایاں کریں گے۔دفتر خارجہ کے ترجمان کی جانب سے دیے گئے بیان کے مطابق دونوں لیڈران خطے کے اہم امور پر تبادلہ خیال کریں گے۔ اس کے ساتھ امریکہ افغان مذاکرات کا آغاز کرانے میں پاکستان کا کراد بھی موضوع گفتگو ہوگا۔