حکومت پی آئی اے کی بحالی کے لئے سنجیدہ ہے، غلام سرور خان

انتظامیہ کے ساتھ مکمل تعاون کیا جا رہا ہے،وفاقی وزیر ہوابازی کی پی آئی اے ہیڈ آفس کے دورہ کے موقع پر گفتگو

جمعرات 18 جولائی 2019 21:13

حکومت پی آئی اے کی بحالی کے لئے سنجیدہ ہے، غلام سرور خان

اسلام آباد(اُردو پوائنٹ اخبارتازہ ترین - آن لائن۔ 18 جولائی2019ء) وفاقی وزیر ہوابازی غلام سرور خان نے کہا ہے کہ حکومت پی آئی اے کی بحالی کے لئے سنجیدہ ہے، انتظامیہ کے ساتھ مکمل تعاون کیا جارہا ہے۔وہ جمعرات کوپی آئی اے ہیڈ آفس کے پہلے دورہ کے موقع پر اظہار خیال کر رہے تھے ۔وفاقی وزیر کو پی آئی اے کے سی ای او ائر مارشل ارشد ملک نے بریفنگ دی۔

(جاری ہے)

وفاقی وزیر کو پی آئی اے میں کی جانے والی اصلاحات کے بارے میں تفصیل سے آگاہ کیا گیا۔ غلام سرور خان کا کہنا تھا کہ پی آئی اے کی کارکردگی پر اطمینان ہے اور پی آئی اے کو حکومت کی جانب سے مکمل تعاون ملے گا۔ وفاقی وزیر نے پی آئی اے کے طیاروں کی بحالی اور نئے روٹس شروع کرنے پر ائر مارشل ارشد ملک کی کاوشوں کو سراہا۔ ائر مارشل ارشد ملک نے حکومت کی جانب سے تعاون پر وفاقی وزیر کا شکریہ ادا کیا۔ وفاقی وزیر کے دورے کے دوران سیکرٹری ایوی ایشن شاہ رخ نصرت بھی ان کے ہمراہ تھے۔ بریفنگ میں پی آئی اے کے سینئر افسران نے شرکت کی۔