نجی ٹیکسی ایپ’اوبر‘ نے مسافر خاتون کو 15لاکھ 45ہزار کا کرائے کا بل بھج دیا

ایرون ہیمل مین نامی شخص نے بتایا ہے کہ اس کے پاس اوبر کمپنی سے رابطہ کرنے کا کوئی طریقہ نہیں تھا اس لیے اس نے ٹویٹر کے ذریعے یہ ہیغام پہنچانے کی کوشش کی ہے۔ اس کے بعد کچھ اور لوگوں نے بھی زیادہ کرایہ آنے کی شکایت کی۔ اوبر انتظامیہ نے اب بتایا ہے کہ ایسا ایپ کی کسی خرابی کی وجہ سے ہوا تھا اور دوبارہ ایسا نہیں ہو گا۔

(جاری ہے)

اوبر انتظامیہ نے بتایا کہ مسافر پریشان نہ ہوں اگر کسی کو زیادہ کرائے کا بل بھی آ جائے تو وہ پریشان نہ ہوں ان کے اکاؤنٹ سے اتنے ہی پیسے کاٹے جائیں گی جتنے سفر شروع ہونے سے پہلے ایپ کی جانب سے بتائے جائیں گے۔ اس سے پہلے پاکستان میں بھی اوبر کے ڈرائیوروں کو پریشانی کا سامنا کرنا پڑا تھا جب ٹیکسی سروس اوبرنے کلٹس گاڑی کو ''گو'' سے ''منی'' گٹیگری میں شامل کیا اور اوبر کے اس اقدام سےڈرائیور غصے کا شکار ہو گئے۔

ڈرائیورز کا دعویٰ تھا کہ اس اقدام سے انہیں مالی طور پر کافی نقصان پہنچا ہے۔ ڈرائیورز کو کمپنی کی جانب سے ایک پیغام میں آگاہ کیا گیا تھا کہ بہت سے وجوہات کی بنا پر 2017ء اور اس کے بعد کی گاڑیوں کو چھوڑ کر تمام کلٹس گاڑیاں گو سے منی کٹیگری میں شامل کی جارہی ہیں۔ اس حوالے سے متعدد اوبر ڈرائیورز کا کہنا ہے کہ کمپنی کے اس فیصلے نے ہمیں حیران کردیا۔ دوسری جانب کمپنی کے اس فیصلے پر اوبر کے ترجمان نے کہا کہ یہ صارفین کی رائے پر مبنی ہے، کمپنی اپنی منی پروڈکٹ کو صارفین کے لیے قابل اطمینان بنانا چاہتی ہے.