کراچی میں ایل پی جی ڈسٹری بیوٹرز اور سلنڈر فلنگ کرنے والے دکانداروں کی شٹر ڈاو ن ہڑتال جاری

کراچی (اُردو پوائنٹ اخبارتازہ ترین - این این آئی۔ 19 جولائی2019ء) کراچی میں ایل پی جی ڈسٹری بیوٹرز اور سلنڈر فلنگ کرنے والے دکانداروں کی شٹر ڈاو ن ہڑتال جاری ہے ۔

(جاری ہے)

شہر میں ایل پی جی کی سپلائی مکمل طور پر بند کرادی اور کراچی میں ملک بھر سے آنے والی ایل پی جی روک دی گئی ہے ، دکانداروں کا کہنا ہے کہ کمشنر کراچی یا آئی جی سندھ اور کراچی پولیس چیف ہماری ایسوسی ایشن سے مزاکرات کریں ، اور کاروبار کے حوالے سے درپیش مسائل حل کرانے کی یقین دہائی کرائیں کہ پولیس اب کریک ڈاو ن نہیں کرے گی ، اگر کوئی شنوائی نہیں ہوئی تو پڑتال غیر معینہ مدت تک ہوگی ، اور دکاندار علاقوں میں دکانیں بند کر کے احتجاج کر رہے ہیں، یہ سڑکوں پر آجائیں گے ، اور وزیر اعلی ہائو س کے سامنے دھرنا دیں گے ، ان کا مطالبہ ہے کہ وزیر اعظم ، وفاقی وزیر پیٹرولیم ، چیئر مین اوگرا اس حوالے سے نوٹس لیں ، شیر میں 12 روز سے کاروبار پولیس نے بند کرا رکھا ہے ، درجنوں سلینڈر، سلینڈر فلنگ کے آلات سلینڈرز لانے اور لے جانے والی گاڑیاں بند کی ہوئی ہیں ، 40 سے زائد دکانداروں کے خلاف مقدمات بنائے گئے جو کورٹس سے ضمانتیں کراکے آئے ہیں ، ایل پی جی ڈسٹری بیوٹرز ایسوسی ایشن نے کمشنر کراچی سے ملاقات کی انہوں نے کریک ڈاو ن کے حوالے سے لا علمی کا اظہار کیا ، اور ایک ماہ تک مہلت دی کہ سیفٹی قوانین کی جو کمی ہے وہ پوری کر لیں ، اس کے بعد دیکھیں گے ، ایسوسی ایشن والے حد سروے کر رہے ہیں اور اپنی نگرانی میں سیفٹی قوانین کے مطابق سلینڈر فلنگ کی دکانیں بنوا رہے ہیں ، ایل پی جی ایسوسی ایشن ڈی آئی جی ویسٹ سے ملے کہ ویسٹ زون میں لگ بھگ 230 سے زائد سلینڈر فلنگ کی دکانیں بند کی گئی ہیں ، بند دکانوں کے تالے توڑ کر سلینڈر گلنگ کا سامان اور دیگر اشیاتحویل میںلی جارہی ہیں ، سلینڈر والی گاڑیاں پکڑی جارہی ہیں ، ڈی آئی جی ویسٹ کو بتایا گیا ہے کہ پولیس نے رشوت بڑھانے کے لئے کارروائی تیز کردی ہیں ، 30 سے 50 ہزار روپے ماہانہ فی دکان سے بھتہ طلب کر رہے ہیں ، جو کی کاروبار کم ہونے سے ممکن نہیں ہے ، جبکہ آتش بازی کے شامان ، گٹکے والے تو پابندی کے باوجود بھاری بھتے دے سکتے ہیں ، تاہم ایل پی جی کاروبار نہ تو غیر قانونی ہے اور سیفٹی قوانین کے تحت فلنگ کی جاتی ہے ، ان اقدامات کے باوجود پولیس گردی کا سلسلہ جاری ہے ، جبکہ ایل پی جی ڈسٹری بیوٹرز ایسوسی ایشن اور ایکشن کمیٹی نے جعمہ سے ہڑتال کا اعلان کیا تھا ، اور شہر بھر میں ایل پی جی کی سپلائی مکمل بند ہے ، اور سلینڈر فلنگ کی دکانیں بند کر کے دکاندار علاقے کی سطح پر احتجاج کر رہے ہیں ، دکانوں پر بینرز لگے ہیں کہ ایل پی جی کاروبار کو پولیس گردی سے بچایا جائے ،دکانداروں کا معاشی قتل عام بند کرو ، ہڑتال کے اعلان کے ساتھ کہا گیا تھا کہ اگر ہڑتال کے دوران کمشنر کراچی ، آئی جی سندھ یا کراچی پولیس چیف نے نوٹس نہ لیا تو ہڑتال غیر معینہ مدت تک ہوگی ، اور احتجاج علاقوں سے پریس کلب تک ہوگا ، وزیر اعلی ہاو س ، گورنر ہاو س پر دھرنا دیں گے ، نقص امن خراب ہونے کی زمہ داری انتظامیہ ہوگی ۔