سعودی حکومت نے عمرہ زائرین کو سعودی عرب کے تمام شہروں میں جانے کی اجازت دیدی

پیر 22 جولائی 2019 12:42

اسلام آباد (اُردو پوائنٹ اخبارتازہ ترین - اے پی پی۔ 22 جولائی2019ء) سعودی حکومت کی جانب سے عمرہ زائرین کو سعودی عرب کے تمام شہروں میں جانے کی اجازت دے دی گئی۔

(جاری ہے)

سعودی پریس ایجنسی کے مطابق عمرہ کے ویزہ پر سعودی عرب پہنچنے والے تمام زائرین اب سعودی عرب کے تمام شہروں میں جا سکیں گے۔ قبل ازیں عمرہ زائرین صرف مکمةالمکرمہ، مدینہ منورہ اور جدہ تک جا سکتے تھے تاہم تمام شہروں تک عمرہ زائرین کی رسائی کو یقینی بنانے کا مقصد سعودی ٹور ازم کو فروغ دینا ہے۔ یہ فیصلہ تیل کی آمدنی پر انحصار کم کرنے کے "کنگڈم ویژن2030 " کے تحت کیا گیا ہے۔