آئی سی سی نے چیمپئنز ٹرافی 2021 منسوخ کر دی

متبادل کے طور پر ٹی ٹوئنٹی ورلڈکپ کھیلا جائے گا، ٹورنامنٹ بھارت میں ہوگا، مسلسل 2 برس 2020 اور 2021 ٹی ٹوئنٹی ورلڈکپ کا انعقاد کیا جائے گا

پیر 22 جولائی 2019 22:56

آئی سی سی نے چیمپئنز ٹرافی 2021 منسوخ کر دی

دبئی(اُردو پوائنٹ اخبارتازہ ترین - آن لائن۔ 22 جولائی2019ء) آئی سی سی نے چیمپئنز ٹرافی 2021 منسوخ کر دی، متبادل کے طور پر ٹی ٹوئنٹی ورلڈکپ کھیلا جائے گا، ٹورنامنٹ بھارت میں ہوگا، مسلسل 2 برس 2020 اور 2021 ٹی ٹوئنٹی ورلڈکپ کا انعقاد کیا جائے گا۔ تفصیلات کے مطابق آئی سی سی نے 2021 میں شیڈول چیمپئنز ٹرافی ٹورنامنٹ منسوخ کرنے کا اعلان کر دیا ہے۔ بتایا گیا ہے کہ آئی سی سی اب چیمپئنز ٹرافی کی جگہ 2021 میں ٹی ٹوئنٹی ورلڈکپ منعقد کروائے گا۔

2021 کا ٹی ٹوئنٹی ورلڈکپ بھی بھارت میں ہی ہوگا۔

(جاری ہے)

مسلسل 2 برس 2020 اور 2021 ٹی ٹوئنٹی ورلڈکپ کا انعقاد کیا جائے گا۔ اگلا برس 2020 میں آسٹریلیا میں ٹی ٹوئنٹی ورلڈکپ کھیلا جائے گا۔ جبکہ اگلا ورلڈکپ 2023 میں بھارت میں ہی کھیلا جائے گا۔ بھارت کو ایک ساتھ 2 آئی سی سی ٹورنامنٹس کی میزبانی دیے جانے پر اعتراض اٹھایا جا رہا ہے۔ جبکہ چیمپئنز ٹرافی ٹورنامنٹ کو منسوخ کرنے پر بھی کئی بورڈز نالاں ہیں۔ آئی سی سی چیمپئنز ٹرافی کا 2017 کا ایڈیشن بے حد کامیاب رہا تھا، جس کے بعد اس ٹورنامنٹ کو مزید جاری رکھنے کا فیصلہ کیا گیا تھا، تاہم اب آئی سی سی نے زیادہ منافع کمانے کی لالچ میں 2021 میں چیمپئنز ٹرافی کی جگہ ٹی ٹوئنٹی ورلڈکپ کروانے کا فیصلہ کیا ہے۔