ٹرمپ عمران خان ون آن ون ملاقات جاری
افغانستان کا مسلہ سرفہرست رہے گا‘ماہرین
میاں محمد ندیم پیر 22 جولائی 2019 21:21
(جاری ہے)
امریکی صدر نے اپنے بیان میں کہا کہ عمران خان سے ملاقات کو خوشگوار دیکھ رہا ہوں، امید ہے دونوں ملکوں کے درمیان تعلقات بہتر ہوں‘عمران خان اور ڈونلڈ ٹرمپ کی ون آن ون ملاقات ایک گھنٹے سے زائد دورانیے پر محیط ہوگی،جس میں دونوں ممالک کے تعلقات،خطے کی صورتحال سمیت دیگر اہم امور زیر بحث آئیں گے.
ایک امریکی نشریاتی ادارے کا کہنا ہے کہ وزیراعظم عمران خان اور امریکی صدر ٹرمپ کی ون آن ون ملاقات جاری ہے ،ملاقات پاکستانی وقت کے مطابق رات نوبج کر دس منٹ پر شروع ہوئی‘وائٹ ہاﺅس میں وفود کی سطح پر ہونے والی ملاقات میں آرمی چیف قمر جاوید باجوہ ،وزیرخارجہ شاہ محمود قریشی اور وزیراعظم کے مشیر برائے تجارت عبدالرزاق داﺅد بھی شریک ہونگے. ملاقات میں دونوں راہنماﺅں کے درمیان افغان امن عمل، باہمی تعاون کے فروغ ، تجارت، توانائی، دفاع اور جنوبی ایشیا میں انسداد دہشت گردی جیسے امور زیر غور آئیں گے. تاہم توقع کی جارہی ہے کہ افغانستان کے مسلے کا حل سرفہرست رہے گا.وزیر اعظم پاکستان عمران خان وائٹ ہاﺅس پہنچ چکے ہیں، جہاں امریکی صدر ڈونلڈ ٹرمپ نے ان کا استقبال کیا. عمران خان کے استقبال کے لیے وائٹ ہاﺅس کے باہر پاکستانیوں کی بڑی تعداد بھی موجود تھی، وائٹ ہاﺅس پہنچنے پر امریکی صدر نے ان کا استقبال کیا، دونوں راہنماﺅں نے مصافحہ کیا، وزیر اعظم نے اس تاریخی ملاقات میں قومی لباس شلوار قمیض زیب تن کی ہے‘وزیر خارجہ شاہ محمود قریشی بھی امریکی صدر سے ملاقات میں وزیر اعظم عمران خان کے ہم راہ موجود ہیں. دونوں راہنماﺅں کے درمیان تاریخی ملاقات میں پاک امریکا باہمی تعلقات سمیت دیگر اہم امور پر تبادلہ خیال کیا جائے گا، دونوں ممالک میں تجارتی روابط، دفاعی تعاون اور افغان امن عمل پر خصوصی بات چیت ہوگی. ڈونلڈ ٹرمپ عمران خان کو وائٹ ہاﺅس کے مختلف حصوں کا دورہ بھی کرائیں گے، وزیر اعظم عمران خان کی امریکی صدر ٹرمپ کے ساتھ 2 نشستیں ہوں گی، پہلی نشست اوول آفس میں ہوگی جس میں دونوں راہنماءون آن ون ملاقات کریں گے جبکہ وفود کے ساتھ کیبنٹ روم میں ہوگی.قبل ازیں، وزیر اعظم کو خصوصی سیکورٹی میں وائٹ ہاﺅس لے جایا گیا جہاں امریکی صدر سے ملاقات کے لیے خصوصی تیاریاں کی گئیں، وزیر اعظم وائٹ ہاﺅس میں مہمانوں کی کتاب میں تاثرات درج کریں گے اور امریکی صدر سے پاکستانی وفد کا تعارف کرائیں گے‘وزیراعظم عمران خان کے اعزاز میں وائٹ ہاﺅس میں ظہرانہ بھی دیا جائے گا. واضح رہے کہ امریکا روانگی کے موقع پروزیراعظم عمران خان نے واضح کیا تھا کہ امریکا سے بات چیت برابری کی بنیاد پرہوگی،صدر ٹرمپ کے سامنے پاکستان کامقدمہ رکھیں گے ، کبھی جھکا نہ قوم کو جھکنے دوں گا. ملاقات کے بعد وزیر اعظم عمران خان وائٹ ہاﺅس سے پاکستان ہاﺅس روانہ ہو ں گے ، پاکستان ہاﺅس میں مختصر قیام کے بعد وزیر اعظم پاکستان سفارتخانے جائیں گے، جہاں پاکستانی سفارتخانے میں مختلف امریکی چینلز کو انٹرویو دیں گے.مزید اہم خبریں
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.