امریکی صدر کا وزیراعظم کو کرکٹ بیٹ کا تحفہ

منگل 23 جولائی 2019 20:35

واشنگٹن(اُردو پوائنٹ اخبارتازہ ترین - آن لائن۔ 23 جولائی2019ء) امریکی صدر ڈونلڈ ٹرمپ نے وزیراعظم عمران خان کو کرکٹ بیٹ اور سابق امریکی صدر آییزن ہاور کی تصویر تحفے میں دی ہے۔آئیزن ہاور پاکستان میں اسٹیڈیم میں بیٹھ کر میچ دیکھنے والے واحد امریکی صدر ہیں۔

(جاری ہے)

امریکی صدر آئیزن ہاور نے 1959 میں پاکستان کا دورہ کیا تھا اور کراچی کے نیشنل کرکٹ اسٹیدیم میں پاکستان اور آسٹریلیا کا کرکٹ میچ دیکھا تھا۔

آئیزن ہاور نے پاکستانی کرکٹ ٹیم کے کھلاڑیوں سے ملاقات بھی کی تھی۔گزشتہ روز ڈونلڈ ٹرمپ اور عمران خان کے درمیان واشنگٹن میں ملاقات ہوئی تھی جس کے دوران امریکی صدر نے مسئلہ کشمیر پر ثالثی کی پیشکش کی تھی۔اس موقع پر امریکی صدر پاکستان اور بھارت کے درمیان بہتر تعلقات کی امید کا اظہار کرتے ہوئے کہا تھا کہ دورہ پاکستان کی دعوت دی گئی تو ضرور جاؤں گا۔