وزیراعظم عمران خان کا دورہ امریکہ کامیاب رہا ‘امریکی صدر ڈونلڈ ٹرمپ کی جانب سے مسئلہ کشمیر پر ثالثی کی پیشکش کا خیر مقدم کرتے ہیں، سینٹر مرزا محمد آفریدی

بدھ 24 جولائی 2019 09:50

اسلام آباد ۔ (اُردو پوائنٹ اخبارتازہ ترین - اے پی پی۔ 24 جولائی2019ء) خیبر پختونخوا کے قبائلی اضلاع سے ایوان بالا کے رکن مرزا محمد آفریدی نے کہا ہے کہ وزیراعظم عمران خان کا دورہ امریکہ کامیاب رہا ۔امریکی صدر ڈونلڈ ٹرمپ کی جانب سے مسئلہ کشمیر پر ثالثی کی پیشکش کا خیر مقدم کرتے ہیں۔

(جاری ہے)

بدھ کو اے پی پی سے گفتگو کرتے ہوئے انہوں نے کہاکہ وزیراعظم عمران خان کے دورہ امریکا سے دونوں ممالک کے درمیان تعلقات میں بہتری آئے گی بلکہ دونوں ممالک کے درمیان تعلقات میں نئے دور کا آغاز ہو گا ،وزیراعظم اور امریکا کے صدور کے درمیان خوشگوار ماحول میں ملاقات ہوئی اس دوران امریکا کے صدر نے مسئلہ کشمیر پر ثالثی کی پیشکش کی۔

مقبوضہ کشمیر کی عوام ،پاکستان کی عوام نے ان کی پیشکش کا خیر مقدم کیا ہے بلکہ انسانی حقوق کی تنظیموں نے بھی ان کے اس پیشکش کا خیر مقدم کیا ہے ۔انہوں نے کہا کہ امریکا کے صدر نے افغانستان میں امن اور پائیدار ترقی کے پاکستان کی کوششوں کو بھی سراہا ہے۔