بھارت نے دفعہ 370 اور 35-A منسوخ کردیا، بین الاقوامی قوانین اورجموںوکشمیرکے بارے میں اقوام متحدہ کی قراردادیں پامال،مقبوضہ کشمیر میں کرفیو نافذ، انٹرنیٹ سروسز معطل
پیر 5 اگست 2019 18:33
(جاری ہے)
اس طرح بھارت نے جموںوکشمیر کے 92سالہ پرانے سٹیٹ سبجیکٹ قوانین تبدیل کردیئے ۔
بھارتی حکومت کی طرف سے دفعہ 370کو منسوخ کرنے کے یکطرفہ فیصلے سے مقبوضہ علاقے میں بڑھتی ہوئی غیریقینی صورتحال کے دوران قابض انتظامیہ نے وادی کشمیر اورجموں میں کرفیو نافذ کرکے لوگوں کی نقل وحرکت اورعوامی جلسوں اور ریلیوںکے انعقادپر مکمل طورپرپابندی عائد کردی ہے۔ تمام تعلیمی اداروں کو بند کردیاگیا ہے جبکہ پورے جموںوکشمیرمیں انٹرنیٹ سروسز معطل اور آج ہونے والے تمام امتحانات ملتوی کردیے گئے ہیں۔وادی کشمیر اور جموں خطے میں اضافی فورسز تعینات کردی گئی ہیں۔سول سیکرٹریٹ، پولیس ہیڈکوارٹر، ہوائی اڈوں اور دیگر سرکاری اداروں سمیت اہم تنصیبات کی سکیورٹی کے لیے بھارتی فوجیوں کی بڑی تعداد تعینات کردی گئی ہے۔ سرینگر اور دیگر شہروں کے داخلی اور خارجی راستوں پر رکاٹیں کھڑی کردی گئی ہیں۔ سید علی گیلانی اور میرواعظ عمرفاروق سمیت تمام حریت قیادت کو گھروں اورجیلوں میں نظربند کردیا گیا ہے۔ دریں اثناء بھارت کے مختلف علاقوں سے پیراملٹری فورسزکے مزید 8ہزار اہلکاروں کو بھارتی فضائیہ کے طیاروں کے ذریعے مقبوضہ کشمیر پہنچادیا گیا ہے ۔ بھارتی فضائیہ کے سی ۔17 مسافرطیاروں نے فورسز اہلکاروں کو سرینگر پہنچادیااوریہ8ہزاراہلکار گزشتہ ہفتے مقبوضہ علاقے میں تعینات کئے گئے 38ہزارفورسز اہلکاروںکے علاوہ ہیں۔ مختلف کشمیری تنظیموں کے زیر اہتمام آج اسلام آباد میں بھارتی سفارتخانے کے سامنے ایک احتجاجی مظاہرہ ہواجس میں بھارت کی حکومت کی طرف سے بھارتی آئین کی دفعہ 370 کی منسوخی اور مقبوضہ کشمیر کو جغرافیائی طورپر تقسیم کرنے کی مذمت کی گئی۔ ادھر امریکہ میں مقیم تارکین وطن کشمیریوں کی سیاسی قیادت نے دفعہ 370اور 35Aکو منسوخ کرنے کے بھارتی اقدام کو متفقہ طورپر مسترد کردیاہے۔فاروق صدیقی ، الطاف قادری، راجہ مظہر، ڈاکٹر غلام نبی میر،ڈاکٹر غلام نبی فائی ، ڈاکٹر ایم اے دھراورڈاکٹر اے آر میر سمیت کشمیر گلوبل کونسل اور ورلڈ کشمیر ایوئرنیس فورم کے رہنمائوں نے جدوجہد آزادی کو تنازعہ کشمیر کے حتمی حل تک جاری رکھنے کے عزم کا اعادہ کیا۔ ایمنسٹی انٹرنیشنل نے ایک بیان میں کہاکہ جموںوکشمیر کی خصوصی حیثیت کو ختم کرنے کا بھارتی حکومت کا یکطرفہ فیصلہ موجودہ کشید گی کو مزید ہوا دینے ، علاقے کے عوام کی محرومی میں اضافے کرنے اور انسانی حقوق کی پامالیوں کا خطرہ بڑھانے کے مترادف ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.